मॉडेल करिअर सेंटरचा लाभ घेण्याचे आवाहन
सांगली, प्रतिनिधी.) : जिल्ह्यातील रोजगार इच्छुक उमेदवारांना रोजगार व स्वयंरोजगाराच्या संधी उपलब्ध करुन देण्यासाठी केंद्र शासनाद्वारे जिल्हा कौशल्य विकास, रोजगार व उद्योजकता मार्गदर्शन केंद्र, सांगली येथे मॉडेल करिअर सेंटरची सुरुवात केली आहे. रोजगार इच्छुक उमेदवारांनी या मॉडेल करिअर सेंटरचा जास्तीत जास्त लाभ घ्यावा, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राच्या सहायक आयुक्त इनुजा शेख यांनी प्रसिध्दीपत्रकाव्दारे केले आहे.
या मॉडेल करिअर सेंटरच्या माध्यमातून केंद्र व राज्य शासनाच्या योजना, सुशिक्षित बेरोजगार उमेदवारांची NCS पोर्टलवर नाव नोंदणी, करिअर मार्गदर्शन व समुपदेशन तसेच रोजगार मेळावे इत्यादी योजनांसाठी जिल्ह्यातील रोजगार इच्छुक उमेदवारांना मार्गदर्शन करण्यात येत आहे. अधिक माहितीसाठी, जिल्हा कौशल्य विकास, रोजगार व उद्योजकता मार्गदर्शन केंद्र, तथा मॉडेल करिअर सेंटर, मध्यवर्ती प्रशासकीय इमारत, तळमजला, विजयनगर, सांगली या कार्यालयाशी संपर्क साधावा (संपर्क – श्री.प्रवीण बनकर, यंग प्रोफेशनल, मो.नं. 9823028871, दूरध्वनी क्रमांक 0233-2990383), असे प्रसिध्दी पत्रकात म्हटले आहे.
00000
