महाराष्ट्रातील लातूर चाकूर तालुक्यातील शिवणी व शिवणखेड मध्ये बिबट्याचा वावर खबरदारीचा उपाय वनकर्मचारी तैनात सतर्क राहण्याचे आवाहन
राज्य प्रतिनिधी लातूर, : चाकुर ताल्युक्यातील शिवणी , शिवणखेडमध्ये बिबट्याचा वावर आढळून आला आहे. खबरदारीचा उपाय म्हणून याठिकाणी वनकर्मचारी तैनात करण्यात आले आहेत. तरी ग्रामस्थांनी सतर्क राहण्याचे आवाहन सहायक वनसंरक्षक व्ही.बी.तांबे यांनी केले.
ग्रामस्थांनी शेतात रात्री मुक्काम करू नये. साथ सलोख्याचे नियम पाळून, चमूने, गटाने शेतकामास जावे. शेतात मोकळ्या जागेत मुक्काम करू नये, लहान मुलांना एकट्याने फिरू देऊ नये. जनावरांना बंदिस्त गोठ्यात अथवा निवाऱ्यात बांधावे. अफवांवर विश्वास ठेवू नये. बिबट्या निदर्शनास आल्यास त्याची माहिती वन विभाग, सरपंच, पोलीस पाटील यांना कळवावे, असेही आवाहन त्यांनी केले आहे.
