उत्तराखंड राज्यातील धराली (जि. उत्तरकाशी) येथील भूस्खलन आणि पूरसदृश परिस्थिमुळे प्रभावित झालेले महाराष्ट्राच्या विविध भागातील एकूण १५१ पर्यटक असून ते सुरक्षित आहेत…
राज्य प्रतिनिधी-उत्तराखंड राज्यातील धराली (जि. उत्तरकाशी) येथील भूस्खलन आणि पूरसदृश परिस्थिमुळे प्रभावित झालेले महाराष्ट्राच्या विविध भागातील एकूण १५१ पर्यटक असून ते सुरक्षित आहेत. राज्य आपत्कालीन कार्य केंद्र, महाराष्ट्र हे उत्तराखंड जिल्हा आपत्कालीन कार्य केंद्र, उत्तरकाशी आणि राष्ट्रीय आपत्कालीन प्रतिसाद केंद्र, नवी दिल्ली यांच्याशी सतत समन्वय साधून आहे. दळणवळण आणि रस्ते पूर्ववत होण्याच्या अनुषंगाने युद्ध पातळीवर काम सुरू आहे. १५१ पर्यटकांना डेहराडूनपर्यंत पोहोचविण्यासाठी एअरलिफ्टचा वापर केला जात आहे.
मुंबई वेधशाळेच्या अंदाजानुसार रत्नागिरी, सिंधुदुर्ग, पुणे, सातारा, कोल्हापूर, सांगली, सोलापूर अहिल्यानगर, धाराशिव, लातूर, नांदेड, बीड, परभणी, हिंगोली, यवतमाळ, नागपूर, वर्धा, चंद्रपूर, भंडारा, गोंदिया हे जिल्हे आणि पुणे घाट, सातारा घाट, कोल्हापूर घाट या परिसरास पावसाचा #यलो अलर्ट देण्यात आला आहे
0000
