श्रीम.विजया चामे यांचे रस्ता सुरक्षा दूत म्हणून अत्यंत कौतुकास्पद कार्य
पनवेल प्रतिनिधी
श्रीम.विजया चामे यांनी आपल्या कर्तव्यकाळात प्रशासकीय जबाबदारी सक्षमपणे पार पाडली व त्यासोबतच माणुसकीच्या नात्याने आणि रस्ता सुरक्षा दूत म्हणून अत्यंत कौतुकास्पद कार्य केले आहे. त्यांच्या कार्याचे ठळक मुद्दे पुढीलप्रमाणे आहेत.
आपत्कालीन परिस्थितीत तत्परता (जीवनरक्षक कार्य): जानेवारी 2025: भरारी पथकात कर्तव्य बजावत असताना, एका भीषण अपघातातील जखमी मुलाला कोणतीही वेळ न घालवता कार्यालयाच्या शासकीय वाहनातून तात्काळ एमजीएम (MGM) हॉस्पिटलमध्ये दाखल केले व उपचार सुरू होईपर्यंत पाठपुरावा केला. मे 2025: मुंबई-पुणे एक्सप्रेस-वे वर रात्रीच्या वेळी भरारी पथकाचे काम करत असताना, एका अपघातग्रस्त टेम्पो चालकाला अॅम्बुलन्सच्या साहाय्याने एमजीएम हॉस्पिटलमध्ये वेळेत दाखल करून त्याचे प्राण वाचवण्यास मदत केली.
रस्ता सुरक्षा बाबत जनजागृतीः रस्ता सुरक्षा बाबत जनजागृती करण्याच्या उद्देशाने त्यांनी विविध कंपन्या, शाळा, महाविद्यालये आणि निवासी वसाहतींना भेटी दिल्या. तेथे नागरिकांना वाहतुकीच्या नियमांचे महत्त्व पटवून देऊन रस्ता सुरक्षेबाबत प्रभावी मार्गदर्शन केले व अपघात कमी होण्याचे दृष्टीने विशेष प्रयत्न केले.
महिला सक्षमीकरणः जानेवारी महिन्यात त्यांनी 250 हून अधिक दुचाकी, चारचाकी आणि रिक्षा चालक महिलांची रस्ता सुरक्षा रॅली’ यशस्वीपणे आयोजित केली. या उपक्रमाद्वारे महिला चालकांचा कार्यालयामार्फत गौरव करून त्यांना प्रोत्साहित करण्यात आले.
विशेष कामगिरीबाबत गुणगौरवःश्रीम. विजया चामे यांचे उल्लेखनीय कार्याचेच फलीत म्हणून परिवहन विभागाच्या वर्धापनदिनी आयोजीत सोहळयात दि. 01.03.2026 रोजी मा.ना.परिवहन मंत्री, महाराष्ट्र राज्य, मुंबई यांच्याहस्ते प्रशस्तीपत्र व मानचिन्ह देऊन त्यांचा गुणगौरव करण्यात आला. ही बाब प्रादेशिक परिवहन कार्यालय, पनवेल संपूर्ण विभागासाठी अभिमानास्पद आहे.
नाव- श्रीमती विजया धर्मेंद्र चामेपदनाम- सहाय्यक मोटार वाहन निरीक्षक, प्रादेशिक परिवहन कार्यालय, पनवेलमोबाईल क्रमांक: 7769876124
०००००००
