vishwatmaklokswamivarta
Breaking News
ठळक बातम्याप्रदेश

मुख्यमंत्र्यांच्या सूचनेनुसार राखी–गुरवळ्यात शेतकऱ्यांशी संवाद, उपोषण मागे घेण्याचे अनिरुद्ध पालकर यांचे आवाहन*

मुख्यमंत्र्यांच्या सूचनेनुसार राखी–गुरवळ्यात शेतकऱ्यांशी संवाद, उपोषण मागे घेण्याचे अनिरुद्ध पालकर यांचे आवाहन*

गडचिरोली प्रतिनिधी— गडचिरोलीतील प्रस्तावित विमानतळासाठीची भूसंपादन कार्यवाही मुख्यमंत्री देवेंद्र फडणवीस यांच्या सूचनेनुसार सध्या स्थगित ठेवण्यात आली आहे. त्यामुळे शेतकऱ्यांनी बेमुदत साखळी उपोषण मागे घ्यावे असे आवाहन मुख्यमंत्र्यांचे विशेष कार्य अधिकारी अनिरुद्ध पालकर यांनी केले. मुख्यमंत्र्यांच्या सूचनेनुसार पालकर यांनी राखी–गुरवळा येथील उपोषणस्थळी भेट देऊन आंदोलक शेतकरी आणि ग्रामस्थांशी काल संवाद साधला.

प्रस्तावित विमानतळाच्या भूसंपादनासंबंधीचा १२ मे २०२६ रोजीचा शासन निर्णय रद्द करावा, या मागणीसाठी गुरवळा–राखी–हिरापूर–शिरपूर शेतकरी संघर्ष कृती समितीच्या वतीने २ ऑक्टोबर २०२६ पासून राखी–गुरवळा येथे बेमुदत साखळी उपोषण सुरू आहे.या आंदोलनाची मुख्यमंत्र्यांनी दखल घेतली असून, भूसंपादनाची अधिसूचना प्रसिद्ध झाल्यानंतरही त्यांच्या सूचनेनुसार जिल्हाधिकारी कार्यालयापासून मंत्रालयापर्यंतची भूसंपादन कार्यवाही थांबवण्यात आली आहे, असे पालकर यांनी ग्रामस्थांना सांगितले. बळजबरीने जमीन घेऊन प्रकल्प राबवण्याचा मुख्यमंत्र्यांचा उद्देश नसल्याचेही पालकर यांनी स्पष्ट केले.

 चर्चेतून इतर मार्ग निघू शकतो आणि न पटल्यास पुन्हा आंदोलन करण्याच्या शेतकऱ्यांचा हक्क अबाधित असल्याचेही त्यांनी सांगितले. *विमानतळासाठी जमीन देण्यास शेतकऱ्यांचा विरोध*राखी, गुरवळा, हिरापूर आणि शिरपूर परिसरातील जमीन सुपीक व बारमाही बागायती आहे. परिसरातील बहुतांश शेतकरी अल्पभूधारक असून, शेतीवरच त्यांचा उदरनिर्वाह अवलंबून आहे. त्यामुळे विमानतळासाठी जमीन देण्यास आपला विरोध दर्शविण्यासाठी साखळी उपोषण करत असल्याचे ग्रामस्थांनी सांगितले.

या वेळी तहसीलदार सागर कांबळे, पोलीस निरीक्षक चव्हाण यांच्यासह इतर प्रशासकीय अधिकारी आणि ग्रामस्थ उपस्थित होते.

संबंधित पोस्ट

पर्यटकांच्या सुरक्षेसाठी रत्नागिरी सज्ज; आपत्कालीन बचावासाठी ५ हायटेक ‘रोबोटिक वॉटर क्राफ्ट’ पोलीस दलात दाखल समुद्रातील दुर्घटना व जीवितहानी रोखण्यासाठी पालकमंत्री डॉ. उदय सामंत यांच्या हस्ते हस्तांतरण

vishwatmaklokswamivarta

एमपीएससी गट-ब परीक्षेसाठी प्रोत्साहनपर अर्थसहाय्य योजना; अर्ज करण्याचे आवाहन

७२ वे राष्ट्रीय चित्रपट पुरस्कार जाहीर; ‘मुक्काम पोस्ट बोंबिलवाडी’ सर्वोत्कृष्ट मराठी चित्रपट कार्तिक आर्यन आणि मामुट्टी सर्वोत्कृष्ट अभिनेता तर यामी गौतम सर्वोत्कृष्ट अभिनेत्री, आर्टिकल ३७० सर्वोत्कृष्ट चित्रपट

दुष्काळ जाहीर करा; शेतकऱ्यांना कर्जमाफी द्या, चारा छावण्या व रोजगार हमीची कामे सुरू करा : खासदार डॉ. कल्याण काळे,पीक परिस्थिती आढावा बैठकीत शेतकऱ्यांच्या प्रश्नांवर सरकारचे लक्ष वेधले; पीकविम्यासाठी पूर्वीची पोर्टल प्रणाली सुरू करण्याची मागणी

vishwatmaklokswamivarta

मुख्यमंत्री देवेंद्र फडणवीस यांनी एका खास मुलाखतीत स्पष्ट केलं की, मुंबईचा पुढील महापौर महाराष्ट्रातील महायुतीचाच असेल आणि तो हिंदू व मराठीच …

शाळेतील पहिल्या दिवसाच्या स्वागताचा उत्सव : ‘शाळा प्रवेशोत्सव’