vishwatmaklokswamivarta
Breaking News
प्रदेशस्थानिक बातम्या

जिल्हाधिकारी अशिमा मित्तल यांची रेवगाव येथे क्षेत्रभेट; विविध उपक्रमांची पाहणी व ग्रामस्थांशी संवाद

जिल्हाधिकारी अशिमा मित्तल यांची रेवगाव येथे क्षेत्रभेट; विविध उपक्रमांची पाहणी व ग्रामस्थांशी संवाद

जालना, प्रतिनिधी : जालना तालूक्यातील रेवगाव येथे जिल्हाधिकारी अशिमा मित्तल यांनी आज क्षेत्रभेट देऊन गावातील विविध विकासात्मक व सामाजिक उपक्रमांची पाहणी केली. या दौऱ्यादरम्यान त्यांनी प्रारंभिक बालविकास (ECD) उपक्रमांतर्गत सहभागी मातांच्या घरी भेट देऊन त्यांच्याशी संवाद साधला तसेच अंगणवाडी केंद्राला भेट देऊन माता, अंगणवाडी सेविका व क्षेत्रीय कर्मचाऱ्यांकडून उपक्रमाच्या अंमलबजावणीचा आढावा घेतला.

यावेळी मातांचे मानसिक आरोग्य, स्तनपान, बालसंगोपन आणि कुटुंबातील सदस्यांचा सहभाग या विषयांवर चर्चा करण्यात आली. उपक्रमामुळे मातांना मिळणारा भावनिक आधार, गृहभेटींच्या माध्यमातून होणारे मार्गदर्शन आणि कुटुंबपातळीवर होत असलेले सकारात्मक बदल याबाबत माहिती घेण्यात आली.

तसेच जिल्हाधिकाऱ्यांनी स्वामी समर्थ केंद्र, आरोग्य उपकेंद्र आणि प्रगतिशील शेतकरी अनिल पारखे यांच्या शेतीला भेट देऊन तेथील उपक्रमांची पाहणी केली. शेती, पर्यावरण संवर्धन आणि ग्रामविकासाच्या क्षेत्रात स्थानिक पातळीवर राबविण्यात येणाऱ्या विविध प्रयत्नांची त्यांनी माहिती घेतली.

या क्षेत्र भेटीदरम्यान जिल्हाधिकारी मित्तल यांनी ग्रामस्थांशी संवाद साधत त्यांच्या सूचना व अपेक्षा जाणून घेतल्या. विविध शासकीय उपक्रमांची प्रत्यक्ष अंमलबजावणी, नागरिकांचा सहभाग आणि स्थानिक पातळीवरील सकारात्मक बदल यांचा आढावा घेणे हा या भेटीचा मुख्य उद्देश होता.

बालकांचा सर्वांगीण विकास साधण्यासाठी माता, पिता आणि संपूर्ण कुटुंबाला सक्षम करणे, तसेच ग्रामविकासासाठी स्थानिक पातळीवरील चांगल्या उपक्रमांना प्रोत्साहन देणे, या दृष्टीने ही क्षेत्रभेट महत्त्वपूर्ण ठरली

****

संबंधित पोस्ट

३६५ निक्षय गीत मैफिलींचा यशस्वी टप्पा सांगीतिक उपक्रमातून क्षयरुग्णांना पोषणाची साथ

अरबी समुद्रातील उच्च भरतीच्या लाटांचा ऑरेंज अलर्टमुळे मच्छीमारांना सतर्कतेचे आवाहन- किनारपट्टीवरील नागरिक – पर्यटकांनी समुद्रकिनाऱ्यावर जाणे टाळण्याचे आवाहन

vishwatmaklokswamivarta

नवी मुंबई महानगरपालिका शाळेतील अमोघ बनसोडे या विद्यार्थ्याची साता समुद्रापार गुणवत्तापूर्ण झेप

विशेष लेख….पनवेल महानगरपालिका राज्यात अव्वल : प्रशासकीय सुधारणा कार्यक्रमांतर्गत उत्कृष्ट कामगिरी*

परळीतील महापशुधन एक्स्पोचे १३ फेब्रुवारीला मंत्री पंकजा मुंडे यांच्या हस्ते उद्घाटन मुख्यमंत्री देवेंद्र फडणवीस यांची १४ फेब्रुवारी रोजी उपस्थिती

vishwatmaklokswamivarta

LED मासेमारीविरोधात मत्स्यव्यवसाय विभागाची धडक कारवाई।काशिद समोरील जलधिक्षेत्रात LED दिवे व जनरेटरसह नौका जप्त

vishwatmaklokswamivarta