अरुणोदय वॉकर्स असोसिएशनची वार्षिक सभा उत्साहात संपन्न…
मुंबई प्रतिनिधी
30 वर्षांपासून खेळ, क्रीडा, मनोरंजन, योगाभ्यास चालणे, महिन्याच्या शेवटच्या रविवारी एकत्रित वाढदिवस साजरे करणे, नियमित व्यायाम, पावसाळी सहल, स्नेहसंमेलन, विशेष कार्यक्रम अशा विविध उपक्रमांची वर्षभर सुरळीत पणे आयोजन करणारी अरुणोदय वॉकर्स असोसिएशन, बांद्रा पूर्व व इतर विभागात कार्यरत असणारी, या आपल्या सर्वांच्या जिव्हाळ्याचा संबंध असलेल्या, संस्थेची तीसावी वार्षिक सर्व सभा रविवार दिनांक 27 ऑगस्ट 2023 सकाळी आठ ते दहा या वेळात कलानगर सभागृहात सभासदांच्या उपस्थितीत उत्साहात सभा संपन्न झाली.
राष्ट्रगीताच्या सामुहिक गायनाने सभेची सुरुवात झाली.सभेच्या अध्यक्षस्थानी सौ. अंजली रिसबुड होत्या. आलेल्या पाहुण्यांचे व सभासदांचे सौ.शैलजा सोमानी यांनी स्वागत केले.
संस्थेचे सचिव श्री. किरण भोगले यांनी सन 2021-22 मधील वार्षिक सभेच्या वृत्तांताचे वाचन करून दाखविले तर सन 2022-23 हिशोबाचे वाचन खजिनदार सौ.शिल्पा शिरोळे यांनी करून दाखविले तसेच काही शंका, प्रश्न आणि सूचना आल्या त्यांना कार्यकारिणी सदस्यांनी समाधान कारक
उत्तरे देऊन त्यांचं निराकरण केले.
सर्वच ठराव व पुढील वर्षाचे नियोजन बहुमताने मंजूर करण्यात आले. कार्यक्रमाचे शेवटी सहसचिव श्री.दिलीप गाडेकर यांनी सभागृहात उपस्थित असलेल्या सर्व सभासदांचे आभार मानले.
सभेच्या शेवटी काहीं सभासदांचे वाढदिवस साजरे करण्यात आले. त्यावेळी श्रीमती भारती पोळ,, श्री. मोहन साळवी आणि इतर अनेक सभासदांचे सहकार्य लाभले. अल्पोपहार करून सभा समाप्त झाली.
