दागिने फसवणूकप्रकरणी चौघांना अटक…

गुन्हे प्रतिनिधी

आदमापूर (ता. भुदरगड) येथील दोन महिलांना सोन्याचे दागिने डबल करून देण्याचे आमिष दाखवून तब्बल १५ तोळे सोन्याच्या दागिन्यांना गंडा घातल्याप्रकरणी भुदरगड पोलिसांनी चौघांना अटक केली. केराबाई सुभाष महेकर (वय ४९), सुभाष महेकर (६०), सुशांत सुभाष महेकर (२९, रा. पालकरवाडी, ता. राधानगरी), रूपेश सुरेश साठे (३७, रा. शिंगणापूर, ता. करवीर) अशी अटक केलेल्यांची नावे आहेत.

पोलिसांनी सांगितले की, आदमापूर येथील दोन महिलांना तब्बल १५ तोळे सोन्याच्या दागिने डबल करून देण्याचे आमिष दाखवून अंदाजे सव्वासात लाख रुपयांच्या दागिन्यांना गंडा घातला होता. आदमापूर येथे १५ एप्रिल २०२४ ला हा प्रकार घडला होता. आपली फसवणूक झाल्याचे लक्षात आल्यानंतर वैशाली संदीप पाटील यांनी याबाबतची फिर्याद दिली होती. यानंतर पोलिसांनी केराबाई महेकर, सुभाष महेकर, सुशांत महेकर, रूपेश सुरेश काटे या चौघांना अटक केली. त्यांना न्यायालयात उभे केले असता केराबाई महेकर, सुभाष महेकर यांना न्यायालयीन कोठडी सुनावली; तर सुशांत सुभाष महेकर व रूपेश सुरेश काटे यांना सोमवारपर्यंत पोलिस कोठडी दिली आहे. पोलिस उपनिरीक्षक जीवन पाटील अधिक तपास करीत आहेत.