व्हाईस ऑफ मिडिया साप्ताहिक विंगची जिल्हा कार्यकारिणी जाहीर
जालना- प्रतिनिधी-
व्हाईस ऑफ मीडियाचे प्रदेश उपाध्यक्ष विकासकुमार बागडी यांच्या मार्गदर्शनाखाली व साप्ताहिक विंगचे जिल्हा अध्यक्ष सुयोग खर्डेकर यांच्या नेतृत्वाखाली जिल्हा कार्यकारिणी नुकतीच येथील हॉटेल मधुबनच्या सभागृहात घोषित करण्यात आली.
यावेळी चर्चा करून सर्वानुमते असे ठरले की, व्हाईस ऑफ मीडिया संघटनेच्या साप्ताहिक कार्यकारणीमध्ये सचिव पदासाठी जालना आंदोलनचे संपादक शब्बीर पठाण यांची निवड करण्यात आली. तर जिल्हा संघटकपदी अनुक्रमे साप्ताहिक श्लोक टाइम्सचे संपादक अमित आनंद, साप्ताहिक परिवर्तन दर्पणचे विकास काळे, साप्ताहिक जलसम्राट चे उपसंपादक सचिन सर्वे, तसेच जिल्हा उपाध्यक्षपदी भ्रष्टाचार विरोधी लोकाधिकारचे संपादक सय्यद अफसर यांची नियुक्ती करण्यात आली. तर जिल्हा कार्यकारणी सदस्यामध्ये देवचंद सावरे, युवराज कुरील, गोपाल गोमतीवाले, शिवाजी बावणे, विजय जाधव, नटवर किल्लेदार, यांची नियुक्ती करण्यात आली आहे. यावेळी सर्व नवनिर्वाचित पदाधिकारी व सदस्यांचा व्हाईस ऑफ मिडियाचे प्रदेश उपाध्यक्ष विकासकुमार बागडी आणि जिल्हाध्यक्ष सुयोग खर्डेकर यांच्यावतीने सत्कार करून पुढील वाटचालीस शुभेच्छा देण्यात आल्या. यावेळी प्रदेश उपाध्यक्ष श्री. विकासकुमार बागडी, जिल्हाध्यक्ष श्री. सुयोग खर्डेकर, सय्यद अफसर, शब्बीर पठाण, गोपाल गोमतीवाले, देवचंद सावरे, युवराज कुरिल, सचिन सर्वे यांची उपस्थिती होती.
—————
