तुळजाभवानी मंदिर संस्थानाने नवरात्री २०२५ सणाच्या काळात ‘सशुल्क दर्शन पास’ दरात वाढ
राज्य प्रतिनिधी-तुळजाभवानी मंदिर संस्थानाने नवरात्री २०२५ सणाच्या काळात ‘सशुल्क दर्शन पास’ दरात वाढ केली आहे. आता भाविकांना दर्शनासाठी आधीपेक्षा जास्त शुल्क भरावे लागणार आहे, असा निर्णय मंदिर समितीने घेतला असून त्याबाबतचे परिपत्रक जाहीर करण्यात आले आहे. या निर्णयामुळे भाविकांमध्ये नाराजीचा सूर बघायला मिळत आहे.
या नव्या शुल्कानुसार देणगी दर्शन पास हे सध्या दोनशे रुपयांवरुन ते तीनशे ते हजार रुपये करण्यात आलेले आहे. तसेच अभिषेक पास दर सुद्धा वाढवण्यात आला असून सकाळच्या अभिषेकसाठी असलेली सुरूवातीची किंमत तीनशे रुपयांवरून वाढ करून चारशे रुपये करण्यात आला आहे. हे नवीन शुल्क दिनांक २० सप्टेंबर ते ८ ऑक्टोबर २०२५ पर्यंत लागू राहील असे परिपत्रकात नमूद करण्यात आले आहे. दरम्यान नवरात्रीतील गर्दीला नियमन करण्यासाठी पास शुल्क वाढवले असल्याचे मंदिर समितीकडून स्पष्ट करण्यात आले आहे.
