३० एप्रिलपूर्वी ई-आर १ विवरण सादर करण्याचे आवाहन
अहिल्यानगर, प्रतिनिधी :- सेवायोजन कार्यालय (रिक्तपदे अधिसूचित करण्याची सक्ती करणारा कायदा) १९५९ व नियमावली १९६० मधील कलम ५ (१) व ५ (२) अंतर्गत ई-आर १ त्रैमासिक विवरणपत्रे विहित कालावधीत सादर करणे सर्व संबंधित आस्थापनांसाठी बंधनकारक आहे. जानेवारी ते मार्च २०२६ या तिमाहीसाठीचे ई-आर १ विवरणपत्र तिमाही संपल्यानंतर ३० दिवसांच्या आत, म्हणजेच दि. ३० एप्रिल २०२६ पर्यंत rojgar.mahaswayam.in या संकेतस्थळावर ऑनलाइन पद्धतीने सादर करावे, असे आवाहन सहायक आयुक्त रविकुमार पंतम यांनी केले आहे.
जिल्ह्यातील सर्व शासकीय, निमशासकीय तसेच खासगी क्षेत्रातील आस्थापनांनी वरील कालमर्यादेत विवरणपत्रे सादर करावीत. तसेच संबंधित आस्थापनांनी आपला पत्ता, दूरध्वनी क्रमांक व ई-मेल आयडी अद्ययावत ठेवावेत, असेही कळविण्यात आले आहे
00000
