तालिबानच्या जुलमी राजवटी साठी PM इम्रान यांची बॅटिंग, म्हणाले ‘त्यांना प्रोत्साहित करा’
विदेश प्रतिनिधी
लाहोर: सध्या जगभरात तालिबानच्या जुलमी राजवटीची चर्चा सुरु असताना, पाकिस्तानचे पंतप्रधान इम्रान खान यांनी तालिबानसाठी जोरदार बॅटिंग केली आहे. अफगाणिस्तानवर ताबा मिळवणाऱ्या तालिबानबद्दल जागतिक समुदायाचे एकमत घडवण्यासाठी जेणेकरुन त्यांच्या राजवटीला मान्यता मिळावी, यासाठी इम्रान खान जोरदार प्रयत्न करत आहेत.
तालिबानने अफगाणिस्तानवर नियंत्रण मिळवल्यानंतर इम्रान खान यांनी प्रथमच सीएनएन या आंतरराष्ट्रीय वाहिनीला मुलाखत दिली आहे. या मुलाखतीत इम्रान खान यांनी “अफगाणिस्तानात शांतता आणि स्थिरतेसाठी तालिबानसोबत चर्चा करणे हा एक चांगला मार्ग आहे. महिला हक्क आणि सर्वसमावेशक सरकारसाठी त्यांना प्रोत्साहित केले पाहिजे” असं म्हटलं आहे.
