दिल्लीमध्ये संसदेच्या विशेष अधिवेशनाचा आज तिसरा दिवस: महिला आरक्षण राजीव गांधी यांचं स्वप्न, नारी शक्ती वंदन विधेयकाला कॉंग्रेसचा पाठिंबा – सोनिया गांधी
नवी दिल्ली प्रतिनिधी
दिल्लीमध्ये संसदेच्या विशेष अधिवेशनाचा आज तिसरा दिवस आहे. या कामकाजाची सुरूवात लोकसभेमध्ये महिला आरक्षण विधेयक चर्चेने झाली आहे. कॉंग्रेस नेत्या सोनिया गांधी यांनी लोकसभेत बोलताना महिला आरक्षणाला काँग्रेसचा पाठिंबा देत असल्याचं म्हटलं आहे. त्यांनी हे विधेयक राजीव गांधी यांचं स्वप्न असल्याचं म्हटलं आहे. हे विधेयक यापूर्वीही संसदेत आलं होतं पण मंजूर होऊ शकलेलं नाही. त्यामुळे आता हे लवकरात लवकर लागू करण्याची वेळ आली असल्याचं म्हटलं आहे.
देशभरात स्थानिक स्वराज्य संस्थांच्या माध्यमातून 15 लाख महिला नेत्या निवडून आल्या आहेत. राजीव गांधींचे स्वप्न आतापर्यंत अर्धेच पूर्ण झाले आहे. हे विधेयक मंजूर झाल्यास त्यांचं स्वप्न पूर्ण होईल अशी आशा त्यांनी बोलून दाखवली आहे. या विधेयकाची तातडीने अंमलबजावणी करावी, अशी काँग्रेसची मागणी आहे. सरकारने या वेळ होईपर्यंत थांबवू नये. याआधी जात जनगणना करून या विधेयकात एससी-एसटी आणि ओबीसी महिलांनाही आरक्षण द्यावे. असंही सोनिया गांधी यांनी सुचवलं आहे
दिल्लीमध्ये संसदेच्या विशेष अधिवेशनाचा आज तिसरा दिवस आहे. या कामकाजाची सुरूवात लोकसभेमध्ये महिला आरक्षण विधेयकावर झाली आहे. कॉंग्रेस नेत्या सोनिया गांधी यांनी लोकसभेत बोलताना महिला आरक्षणाला काँग्रेसचा पाठिंबा देत असल्याचं म्हटलं आहे. त्यांनी हे विधेयक राजीव गांधी यांचं स्वप्न असल्याचं म्हटलं आहे.
नारी शक्ती वंदन या विधेयकानुसार लोकसभा आणि राज्यांच्या विधानसभांमध्ये महिलांसाठी ३३ टक्के आरक्षण लागू केले जाईल.
