तहानलेल्या यावलपिंप्री तांड्याची ‘समृध्दी’ने भागवली तहान,गावकऱ्यांनी मानले सतीश घाटगे यांचे आभार
प्रदेश प्रतिनिधी
घनसावंगी : पाणी टंचाईच्या झळा सोसत असलेल्या घनसावंगी तालुक्यातील यावल पिंप्री तांड्यावर समृद्धी कारखान्याचे चेअरमन सतीश घाटगे यांनी कारखान्यामार्फत मोफत टँकर सुरु करून शेकडो कुटुंबाला दिलासा दिला.पाणी टंचाईने ग्रस्त यावलपिंप्री तांड्यावर समृध्दी’चे टँकर आल्यानंतर बंजारा बांधवानी आनंद व्यक्त करत सतीश घाटगे यांचे आभार मानले.
घनसावंगी तालुक्यातील अनेक गावात तीव्र पाणी टंचाई निर्माण झाली आहे. टंचाईग्रस्त गावांना पाणी पुरवठा करण्यासाठी समृद्धी कारखान्याचे चेअरमन सतीश घाटगे समृध्दी कारखान्यामार्फत मोफत पाणी टँकर सेवा सुरु करून गावकऱ्यांना दिलासा देत आहे. यावल पिंप्री तांड्यावर पाण्याचा प्रश्न बिकट झाल्याने जनतेची गैरसोय होत होती. तांड्यावरील छबुराव राठोड महाराज, नाईक उध्दव राठोड, माजी सरपंच वामनराव राठोड, एकनाथ चव्हाण, भाजपा तालुका उपाध्यक्ष संतोष पवार, ग्रां.प.सदस्य निवृत्ती चव्हाण आदींनी सतीश घाटगे यांच्याकडे टँकर सुरु करण्याची विनंती केली होती. सतीश घाटगे यांनी गावकऱ्यांची तत्काळ दखल घेऊन शुक्रवारी कारखान्यामार्फत मोफत टँकर सुरु केले.तांड्यावर आलेल्या टँकरचे विजय राठोड, गणेश महाराज राठोड, निवृत्ती पवार, शेषराव राठोड, शामराव पवार, कल्याण राठोड ,रविराज राठोड, शंकर चव्हाण, संदिप राठोड, अनिल राठोड,वरुन राठोड, धर्मा राठोड, पांडुरंग चव्हाण, बाबुराव राठोड, यावल पिंप्री ग्रां. प. सदस्य गणेश उगले यांच्यासह महिला व युवकांनी स्वागत करून सतीश घाटगे यांचे आभार मानले.
