गणेशोत्सवाचे अर्ज सादर करण्यासाठी मुदत वाढ
बुलडाणा,(जिमाका), सर्वोत्कृष्ट सार्वजनिक गणेशोत्सव मंडळांना राज्य प्रशासनाकडून पुरस्कार देण्यात येणार आहे. यात सन 2024 या वर्षीच्या सार्वजनिक गणेशोत्सव स्पर्धेत मंडळांनी सहभागी व्हावे, असे आवाहन करण्यात आले आहे. महाराष्ट्र शासनाच्या पु. ल. देशपांडे महाराष्ट्र कला अकादमी,
सांस्कृतिक कार्य विभाग यांच्या शासन निर्णय क्रमांक:-पुलदे-२०२४/प्र.क्र.१११ / सां. का. २ वतीने महाराष्ट्र राज्य सर्वोत्कृष्ट सार्वजनिक गणेशोत्सव मंडळ स्पर्धा २०२४’ चे आयोजन करण्यात आले आहे. यासाठी अर्ज स्वीकारण्याची अंतिम दि. 5 सप्टेंबर 2024 पर्यंत मुदतवाढ देण्यात आली आहे. गणेशोत्सव मंडळांनी संपूर्ण भरलेला अर्ज mahotsav.plda@gmail.com या ईमेल आयडी वर पाठवणे आवश्यक आहे. सदर स्पर्धेत नोंदणीकृत संस्था किंवा परवानाधारक सार्वजनिक गणेशोत्सव मंडळे सहभागी होऊ शकतात. स्पर्धेचा अर्ज पु.ल. देशपांडे महाराष्ट्र कला अकादमी. मुंबईच्या संकेतस्थळावर उपलब्ध असून स्पर्धा निःशुल्क आहे. तरी जास्तीत जास्त गणेशोत्सव मंडळांनी स्पर्धेत सहभागी व्हावे, असे आवाहन जिल्हा नियोजन अधिकारी, बुलडाणा यांनी केले आहे. *******
