मुख्यमंत्री देवेंद्र फडणवीस यांच्या हस्ते १६ जानेवारीला ‘राष्ट्रीय स्टार्टअप दिवस’ सोहळ्याचे मुंबईत उद्घाटन- कौशल्य विकास मंत्री मंगल प्रभात लोढा..
मुंबई प्रतिनिधी-
कौशल्य, रोजगार, उद्योजकता व नाविन्यता विभागांतर्गत राज्य नाविन्यता सोसायटीच्यावतीने आयोजित ‘राष्ट्रीय स्टार्टअप दिवस’ कार्यक्रमाचे १६ जानेवारी २०२५ रोजी सकाळी १० वाजता मुख्यमंत्री देवेंद्र फडणवीस यांच्या हस्ते वांद्रे-कुर्ला संकुलातील जिओ वर्ल्ड सेंटर येथे होणार आहे. यावेळी मुख्यमंत्री देवेंद्र फडणवीस यांच्यासह उपमुख्यमंत्री एकनाथ शिंदे, उपमुख्यमंत्री अजित पवार यांची प्रमुख उपस्थिती असणार आहे. यात देशभरातून १ हजार स्टार्टअप्सचा सहभाग असणार आहे, अशी माहिती कौशल्य विकास मंत्री मंगल प्रभात लोढा यांनी दिली. एम्पॉवरींग इनोव्हेशन, एलिव्हेटिंग महाराष्ट्र ही यंदाची संकल्पना असणार आहे.
