महाशिवरात्रीनिमित्त वेरुळ यात्रोत्सवानिमित्त वाहतुक मार्गात बदल..

 

छत्रपती संभाजीनगर, प्रतिनिधी- महाशिवरात्रीनिमित्त वेरुळ येथील घृष्णेश्वर मंदिर येथे मोठी यात्रा दि.२५ फेब्रुवारी ते ३ मार्च या कालावधीत आयोजीत होते. या कालावधीत येणाऱ्या भाविकांची संख्या लक्षात घेता धुळे सोलापुर महामार्ग व खुलताबाद ते फुलंब्री मार्गावरील जड वाहतुक मार्गात बदल करण्याचे आदेश पोलीस अधीक्षक डॉ. विनयकुमार राठोड यांनी निर्गमित केले आहेत.

वाहतुक मार्गातील बदल याप्रमाणे-

१. छत्रपती संभाजीनगरकडून कन्नड, वेरुळ , खुलताबाद, दौलताबादकडे जाणारी जड वाहतुक छत्रपती संभाजीनगर –शरणापूर फाटा- माळीवाडा-वरझडी- कसाबखेडा फाटा-वेरुळ बायपास मार्गे- कन्नडकडे जाईल.

२. कन्नडकडून –वेरुळ, खुल्ताबाद, दौलताबाद व छत्रपती संभाजीनगरकडे जाणारी जड वाहतुक कन्नड-वेरुळ बायपास- कसाबखेडा फाटा- वरझडी- माळीवाडा, शरनापूर फाटा मार्गे छत्रपती संभाजीनगरकडे येतील.

३. फुलंब्रीकडून- सुलतानपूर, खुलताबाद, वेरुळकडे जाणारी जड वाहतुक फुलंब्री- छत्रपती संभाजीनगर- शरणापूर फाटा- माळीवाडा-वरझडी – कसाबखेडा फाटा- वेरुळ बायपास मार्गे कन्नडकडे जातील.

हे आदेश दि.२५ फेब्रुवारी ते ३ मार्च या कालावधीत लागू राहतील. या कालावधीत खुलताबाद ते वेरुळ या परिसरात जड वाहतुक बंद ठेवण्याचेही आदेशात नमूद केले आहे.

०००००