मुंबईतील खड्डेमुक्त रस्त्यांवर कायमस्वरूपी उपाय म्हणून काँक्रिटचे रस्ते करण्याचा निर्णय- उपमुख्यमंत्री एकनाथ शिंदे
मुंबई प्रतिनिधी -मुंबईतील खड्डेमुक्त रस्त्यांवर कायमस्वरूपी उपाय म्हणून काँक्रिटचे रस्ते करण्याचा निर्णय घेतला आहे. त्यामुळे खड्डेमुक्त मुंबई हा संकल्प आम्ही पूर्ण करणार आहोत. रस्त्यांची कामे करताना गुणवत्तेशी तडजोड न करता मे अखेरपर्यंत काँक्रीटीकरणाचे काम पूर्ण करण्याचे निर्देश उपमुख्यमंत्री एकनाथ शिंदे यांनी दिले.
मुंबई शहर आणि पूर्व उपनगरे विभागातील काँक्रिट रस्ते कामांची पाहणी उपमुख्यमंत्री एकनाथ शिंदे यांनी केली. पावसाळ्यापूर्वी चौक ते चौक (जंक्शन टू जंक्शन) कामे पूर्ण करावीत, रस्ते वाहतूक योग्य करावीत. मॅनहोल, रस्त्यांलगतचे सांडपाणी वाहिन्यांची प्राधान्याने स्वच्छता करण्याचे निर्देशही त्यांनी दिले.
