संत गजानन महाराज पालखीचे जालना शहरात आगमनभाजपा जिल्हाध्यक्ष भास्कर आबा दानवे यांच्या हस्ते भव्य स्वागत…
जालना, (प्रतिनिधी) – श्री संत गजानन महाराज शेगाव पालखी सोहळ्याचे (ता.२१) जालना शहरात अत्यंत श्रद्धा आणि भक्तिभावाने स्वागत करण्यात आले. पालखी आगमनाच्या निमित्ताने शहरात धार्मिक उत्साहाचे वातावरण निर्माण झाले होते.
हजारो भक्तांच्या उपस्थितीत, फुलांची उधळण, भजन-कीर्तन आणि टाळ-मृदुंगाच्या गजरात पालखीचे शहरात स्वागत करण्यात आले. या पावन प्रसंगी भाजपा महानगर जिल्हाध्यक्ष श्री. भास्कर आबा दानवे यांनी श्रींच्या पालखीचे हारतुरे घालून, पुष्पवृष्टी करत व चरणी वंदन करून स्वागत केले.
शहरातील विविध मंडळे, स्वयंसेवी संस्था, कार्यकर्ते, महिला आणि नागरिकांनी भगव्या पताका, रांगोळ्या व सजवलेल्या रथांच्या माध्यमातून सोहळ्याचे स्वागत करून वातावरण भक्तिमय बनवले होते.
शिस्तबद्ध मिरवणूक, भक्तांची उपस्थिती आणि शहरवासीयांचा भरघोस प्रतिसाद यामुळे आजचा दिवस ऐतिहासिक ठरला.
000000
