मातोश्री शासकीय आर्थिकदृष्ट्या मागासवर्गीय वसतिगृहातप्रवेशासाठी 31 ऑगस्टपर्यंत मुदतवाढ
सांगली, प्रतिनिधी : मातोश्री शासकीय आर्थिकदृष्ट्या मागासवर्गीय वसतिगृह, सांगली या वसतिगृहात शैक्षणिक वर्ष २०२५-२६ करिता आर्थिकदृष्ट्या मागासवर्गीय विद्यार्थ्यांना गुणवत्तेनुसार प्रवेश देण्यात येत आहेत. या वसतिगृहामध्ये प्रवेशित विद्यार्थ्यांच्या निवासाची व भोजनाची मोफत सुविधा पुरविली जाते. प्रवेशासाठी अर्ज वाटप व स्विकृतीची मुदत 31 ऑगस्ट 2025 पर्यंत वाढविण्यात आली असल्याचे वसतीगृह प्रमुख यांनी प्रसिध्दीपत्रकाव्दारे कळविले आहे.
प्रवेशासाठी माध्यमिक विभाग (इयत्ता ८ वी १० वी) 20 जागा, उच्च माध्यमिक विभाग (इयत्ता ११ वी व १२ वी) 27 जागा, महाविद्यालयीन विभाग (बी.ए./बी.कॉम./बी.एस्सी) 23 जागा व आय.टी.आय विभाग यासाठी 20 जागा अशा एकूण 90 जागा उपलब्ध असल्याचे प्रसिध्दी पत्रकात म्हटले आहे
