बुलढाण्यात राज्यस्तरीय शालेय शूटिंगबॉल स्पर्धा उत्साहात संपन्न 🌟
खेळ -प्रतिनिधी🏐 क्रीडा व युवक सेवा संचालनालय व जिल्हा क्रीडा अधिकारी कार्यालय, बुलढाणा यांच्या संयुक्त विद्यमाने जिल्हा क्रीडा संकुल येथे १७ वर्षांखालील मुले व मुलींच्या राज्यस्तरीय शालेय शूटिंगबॉल स्पर्धा दि. २ व ३ फेब्रुवारी २०२६ रोजी मोठ्या उत्साहात पार पडल्या.
👥 महाराष्ट्रातील विविध विभागांतून २११ खेळाडू, प्रशिक्षक व पंचांचा सहभाग लाभला.🎉 स्पर्धेचे उद्घाटन उपजिल्हाधिकारी सदाशिव शेलार यांच्या हस्ते झाले.🏅 शिवछत्रपती पुरस्कारार्थी टी.एस. सोर, उपविभागीय पोलीस अधिकारी सुधीर पाटील व जिल्हा क्रीडा अधिकारी बी.एस. महानकर यांची प्रमुख उपस्थिती होती.
🕯️ कार्यक्रमाच्या सुरुवातीला राज्याचे दिवंगत उपमुख्यमंत्री व क्रीडामंत्री अजित पवार यांना श्रद्धांजली अर्पण करण्यात आली.
🤝 आंतरराष्ट्रीय खेळाडू गौरी म्हस्के हिने क्रीडा शपथ दिली, तर गौरी म्हस्के, कार्तिकी गरगडे व डॉ. निकीता वाकोडे यांचा विशेष गौरव करण्यात आला.✨ प्रकाशझोतातील रात्रीचे सामने हे स्पर्धेचे मुख्य आकर्षण ठरले.👏 स्पर्धा यशस्वी करण्यासाठी जिल्हा क्रीडा अधिकारी कार्यालयातील अधिकारी-कर्मचारी व तालुका क्रीडा अधिकाऱ्यांचे विशेष योगदान लाभले.🏆 खेळाडूंना मनःपूर्वक शुभेच्छा!
