नव्या मुंबईत 23 ते 25 मार्च रोजी नवी मुंबई महापौर चषक 40+ क्रिकेट स्पर्धेचे आयोजन

   नवी मुंबई प्रतिनिधी-       नवी मुंबई महानगरपालिकेच्या वतीने महापौर यांच्या पदनामाने विविध क्रीडा व सांस्कृतिक स्पर्धांचे आयोजन करण्यात येते. या माध्यमातून खेळांना व खेळाडूंना प्रोत्साहन देण्याचे काम सातत्याने केले जात आहे. शहरातील 40+ वयोमान असलेल्या खेळाडूंना प्रोत्साहन मिळावे व शारीरिकदृष्ट्या तंदुरुस्त रहावे या हेतूने नवी मुंबई महापौर चषक 40+ क्रिकेट स्पर्धेचे आयोजन दि. 23 मार्च 2026 ते 25 मार्च 2026 या दरम्यान करण्यात आलेले आहेत.

          या स्पर्धेमध्ये 40 वर्षावरील वयोगटाचे नवी मुंबईतील 30 गावांतील 33 संघ व तसेच शहरी विभागातील 25 संघ सहभागी होणार आहेत. 40+ क्रिकेट स्पर्धेतील सामने दि. 23 मार्च 2026 रोजी सकाळी 9.30 ते 25 मार्च 2026 रोजी सायं. 5.00 वा. या कालावधीत महानगरपालिका मुख्यालयाजवळील मैदानावर होणार आहेत. या स्पर्धेतील विजयी व उपविजयी संघास आकर्षक चषक तसेच वैयक्तिक उत्तम कामगिरी करणा-या खेळाडूंना स्मृतीचिन्ह देवून गौरविण्यात येणार आहे.

          तरी या स्पर्धेतील संघाना प्रोत्साहन देणेकरिता नवी मुंबईतील क्रीडाप्रेमींनी जास्तीत जास्त संख्येने उपस्थित रहावे असे आवाहन क्रीडा व सांस्कृतिक कार्यक्रम समितीचे सभापती श्री. गिरीश म्हात्रे यांनी केलेले आहे.