22 एप्रिल रोजी पाणीपुरवठा बंद राहणार असून पाणी जपून वापरण्याचे आवाहन

     नवी मुंबई प्रतिनिधी -नवी मुंबई महानगरपालिकेमार्फत बुधवार दिनांक 22/04/2026 रोजी सी. बी. डी. सेक्टर-28 पंप हाऊस येथे मॅनिफोल्ड व व्हॉल बसविणे तसेच कळंबोली सर्कल, नेरुळ सेक्टर-19 वंडरपार्क येथील जलवाहिनीवर व्हॉल बसविण्याची कामे हाती घेण्यात येणार आहे. तसेच घणसोली से-2 येथील 900 मी.मी. व्यासाची पाईपलाईन जोडण्याच्या कामासाठी जलवाहिनीवरील पाणी पुरवठा हा बुधवार दि.22/04/2026 रोजी बंद राहणार आहे.

          त्यासाठी बुधवार दि. 22/04/2026 रोजी सकाळी 10.00 ते रात्री 10.00 वाजेपर्यंत 12 तासांकरीता मुख्य जलवाहिनीवरील पाणी पुरवठा बंद राहणार आहे.

          त्यामुळे सदर कालावधीमध्ये नवी मुंबई महानगरपालिका क्षेत्रातील बेलापूर, नेरुळ, वाशी, तुर्भे, सानपाडा, कोपरखैरणे, घणसोली व ऐरोली या विभागात तसेच नमुंमपा क्षेत्रातील मुख्य जलवाहिनीवरील थेट नळजोडण्यांचा व सिडको क्षेत्रातील खारघर व कामोठे नोड मधील पाणी पुरवठा बंद राहील. त्यामुळे बुधवार दि. 22/04/2026 रोजी संध्याकाळचा पाणी पुरवठा होणार नाही व गुरुवार दि. 23/04/2026 रोजी सकाळचा व संध्याकाळचा पाणी पुरवठा कमी दाबाने होईल.

          तरी या कालावधीत पाण्याचा जपून वापर करुन नवी मुंबई महानगरपालिकेस सहकार्य करावे, असे आवाहन करण्यात येत आहे

00000