vishwatmaklokswamivarta
Breaking News
प्रदेशस्थानिक बातम्या

शिक्षणातूनच घडते परिवर्तन पुस्तकांच्या माध्यमातून समाजात क्रांतीची बीजे रुजतात -श्री निलेश भगवान सांबरे-मालगुंड, ओरी आणि चिंद्रवली (कोंडवी) येथे गाव संवाद बैठकींच्या माध्यमातून ग्रामस्थांशी साधला संवाद

शिक्षणातूनच घडते परिवर्तन पुस्तकांच्या माध्यमातून समाजात क्रांतीची बीजे रुजतात -श्री निलेश भगवान सांबरे-मालगुंड, ओरी आणि चिंद्रवली (कोंडवी) येथे गाव संवाद बैठकींच्या माध्यमातून ग्रामस्थांशी साधला संवाद

राज्य प्रतिनिधी-रत्नागिरी जिल्ह्यातील मालगुंड, ओरी आणि चिंद्रवली (कोंडवी) येथे जिजाऊ शैक्षणिक व सामाजिक संस्थेचे संस्थापक श्री. निलेश सांबरे यांनी गाव संवाद बैठकींच्या माध्यमातून ग्रामस्थांशी संवाद साधला. यावेळी गावातील शैक्षणिक, आरोग्यविषयक, सामाजिक आणि विकासाच्या विविध प्रश्नांवर चर्चा करण्यात आली.

या संवादादरम्यान काही स्थानिक राजकीय मंडळी गावातील काही लोकांच्या कानामागे जाऊन पुस्तकांचे वाटप करून काय परिवर्तन होणार, अशा प्रकारच्या चर्चा करत असल्याचे समोर आले. यावर भूमिका स्पष्ट करताना श्री. निलेश सांबरे म्हणाले की, समाजात परिवर्तन घडविण्याची सुरुवात शिक्षणातूनच होते. महात्मा ज्योतिबा फुले, क्रांतिज्योती सावित्रीबाई फुले, डॉ. बाबासाहेब आंबेडकर आणि राजर्षी शाहू महाराज यांनी शिक्षणाच्या माध्यमातूनच सामाजिक परिवर्तनाची मुहूर्तमेढ रोवली. आज गरीब विद्यार्थ्याच्या हातात दिलेले एक पुस्तक उद्या त्याला अधिकारी, डॉक्टर किंवा इंजिनिअर बनवू शकते आणि संपूर्ण कुटुंबाचे भविष्य बदलू शकते. त्यामुळे पुस्तक वाटपाने काय होणार, असा प्रश्न विचारण्यापेक्षा शिक्षणामुळे एखाद्या विद्यार्थ्याचे आयुष्य कसे बदलू शकते, हे समजून घेणे गरजेचे आहे. आज हातात दिलेले पुस्तक उद्या एखाद्या घराचे नशीब बदलू शकते. शिक्षणातूनच क्रांती येते आणि शिक्षणातूनच सक्षम समाज घडतो, असा ठाम विश्वास त्यांनी व्यक्त केला.

जिजाऊ संस्थेच्या माध्यमातून विद्यार्थ्यांना मोफत वह्यांचे वाटप, शैक्षणिक सुविधा, अभ्यासिका, पोलीस भरती प्रशिक्षण केंद्रे आणि स्पर्धा परीक्षा मार्गदर्शन असे विविध उपक्रम राबविले जात आहेत. तसेच आरोग्य क्षेत्रात मोफत मल्टिस्पेशालिटी रुग्णालये, आरोग्य केंद्रे, रुग्णवाहिका सेवा आणि मोफत आरोग्य तपासणी शिबिरांच्या माध्यमातून सर्वसामान्य नागरिकांना आरोग्य सुविधा उपलब्ध करून दिल्या जात आहेत.

गावाचा सर्वांगीण विकास करण्यासाठी शिक्षण, आरोग्य, रोजगार आणि सामाजिक जागृती या चारही गोष्टी महत्त्वाच्या आहेत. ग्रामीण आणि दुर्गम भागातील प्रत्येक घटकाला विकासाच्या प्रवाहात आणण्यासाठी जिजाऊ संस्थेचे प्रयत्न यापुढेही सुरू राहतील. सक्षम कोकण घडविण्याचा संकल्प घेऊन शिक्षण आणि आरोग्याच्या माध्यमातून समाजपरिवर्तनाची चळवळ अधिक व्यापक करण्याचा निर्धार यावेळी व्यक्त करण्यात आला.

 

संबंधित पोस्ट

मुंबई काँग्रेसचे महासचिव श्री तुषार एकनाथराव गायकवाड यांचे आज सकाळी अल्पशा आजाराने निधन

पायाभूत सुविधांद्वारे नागपूरला सुव्यवस्थित शहराचे स्वरूप देणार – मुख्यमंत्री देवेंद्र फडणवीस डॉ. केशव बळीरामपंत हेडगेवार उड्डाणपुलाचे लोकार्पण

vishwatmaklokswamivarta

विषमता मिटवून दलित सवर्णांना जोडण्याचे* *डॉ.बाबासाहेब आंबेडकरांचे मिशन – केंद्रीय राज्यमंत्री रामदास आठवले**पीपल्स एज्युकेशन सोसायटीचा ८१वा वर्धापन दिन अत्यंत उत्साहात साजरा*

नवी मुंबईतील अभिनव वस्त्र पुनर्प्रक्रिया प्रकल्पाची महापौर श्रीम.सुजाता पाटील यांनी केली पाहणी

रॅगिंगविरोधी कायद्यासह विविध कायद्यांबाबत विद्यार्थ्यांना मार्गदर्शनजिल्हा विधी सेवा प्राधिकरणाच्या पुढाकारातून शासकीय वैद्यकीय महाविद्यालयात कायदेविषयक जनजागृती

केंद्रीय कृषी मंत्री शिवराज सिंह चौहान यांच्या पुढाकाराने 11 ते 13 एप्रिल दरम्यान मध्‍य प्रदेशातील रायसेन येथे राष्ट्रीय स्तरावरील प्रगत कृषी महोत्सवाचे आयोजन