ठाणे आरटीओची कडक कारवाई’भारत स्टेज’च्या थकित वाहन कर वसुलीसाठी विशेष मोहीम सुरू
ठाणे, प्रतिनिधी : प्रादेशिक परिवहन कार्यालय, ठाणे यांच्या अभिलेखावर नोंदणीकृत असलेल्या ‘भारत स्टेज’ (BS) सीरिजमधील वाहनांच्या वाहनमालकांनी थकित कराचा भरणा न केल्यामुळे शासकीय महसुलाचे मोठे नुकसान होत आहे. ही बाब गांभीर्याने घेत या कार्यालयाकडून थकित कर वसुलीसाठी विशेष मोहीम हाती घेण्यात आली आहे.
या मोहिमेअंतर्गत सर्व संबंधित वाहनधारकांना आवाहन करण्यात येते की, त्यांनी आपल्या वाहनाचा थकित कर त्वरित भरावा. विहित मुदतीत कर न भरल्यास शासकीय नियमांनुसार प्रलंबित रकमेवर दंडात्मक कारवाई केली जाईल. तसेच, भविष्यात दंडात्मक कारवाई टाळण्यासाठी वाहनधारकांनी आपल्या वाहनांचा कर नियमितपणे शासनाकडे जमा करावा, असे प्रादेशिक परिवहन अधिकारी, ठाणे यांनी कळविले आहे.
