आज राज ठाकरे यांच्या पुणे सभेसाठी पोलिसांनी घातल्या 13 अटी; उल्लंघन झाल्यास होणार कारवाई…

पुणे प्रतिनिधी

महाराष्ट्र नवनिर्माण सेनेचे  प्रमुख राज ठाकरे  यांच्या 22 मे च्या पुण्यातील मेळाव्याच्या एक दिवस आधी शहर पोलिसांनी 13 अटी जारी केल्या आहेत. या अटी त्यांनी सार्वजनिक रॅलीदरम्यान पाळल्या पाहिजेत असे सांगण्यात आले आहेत. पुणे पोलिसांनी जारी केलेल्या आदेशानुसार, घातलेल्या अटींचे उल्लंघन म्हणजे कायदेशीर कारवाईला आमंत्रण असणार आहे. उल्लेखनीय म्हणजे, मनसे प्रमुखांनी त्यांचा नियोजित अयोध्या दौरा पुढे ढकलला आहे, जो 5 जून रोजी नियोजित होता. आता या पुणे मेळाव्यानंतर अयोध्या दौऱ्याची तारीख जाहीर केली जाणार आहे.

या पुणे दौऱ्याआधी राज ठाकरे यांच्या पुण्यातील सभेचा टीझर लाँच झाला आहे. यामध्ये राज ठाकरे यांची हिंदूजननायक ही प्रतिमा पुन्हा एकदा अधोरेखित करण्यात आली आहे

• • जाहीर सभा सकाळी 10 ते दुपारी 2 या वेळेत कोणत्याही सभेच्या ठिकाणी व वेळेवरच व्हावी.

• • सभेला उपस्थित राहणार्‍या वक्‍त्यांनी दोन समुदायांमध्ये धार्मिक आणि जातीय तेढ निर्माण होणार नाही किंवा कोणत्याही विशिष्ट समुदायाच्या आणि व्यक्तीच्या भावना दुखावल्या जाणार नाहीत याची काळजी घ्यावी.

• • सभेदरम्यान, वंश, जात, भाषा, प्रदेश, जन्मस्थान किंवा त्यांनी पाळलेल्या रूढी-परंपरांचा कोणत्याही व्यक्तीकडून अपमान होणार नाही किंवा त्यांना चिथावणी दिली जाणार नाही याची काळजी घेतली पाहिजे.

• • सभेला उपस्थित राहणारे कार्यकर्ते, पदाधिकारी व नागरिकांनी स्वयंशिस्त पाळावी आणि सभेच्या ठिकाणाहून ये-जा करताना असभ्य वर्तन करू नये.
  • कार्यक्रमादरम्यान कोणतीही शस्त्रे, तलवारी, स्फोटके सोबत बाळगू नयेत.

• • सभेदरम्यान स्वयंसेवकांची नियुक्ती करून येणाऱ्या-जाणाऱ्या नागरिकांना योग्य त्या सूचना देण्यात याव्यात आणि त्यांच्या प्रशासनाच्या ठिकाणी गर्दी होणार नाही याची काळजी घेण्यात यावी

• • मुख्य मंचावर उपस्थितांची संख्या आयोजकांनी ठरवावी. कोणीही अनोळखी व्यक्ती मंचावर येऊन कायदा व सुव्यवस्थेचा प्रश्न निर्माण करणार नाही याची काळजी

• • सभेच्या ठिकाणी येणाऱ्या-जाणाऱ्या लोकांच्या सुरक्षिततेच्या दृष्टिकोनातून तपास करण्याचे अधिकार पोलिसांना असावेत.

• • कोणत्याही अत्यावश्यक सुविधा, रुग्णवाहिका, रुग्णालय, बससेवा व वाहतुकीला या सभेचा फटका बसणार नाही याची दक्षता घेण्यात यावी.

• सभेच्या ठिकाणी येणार्‍या ज्येष्ठ महिला व मुलांची प्रशासनाने योग्य ती काळजी घ्यावी व त्यांना स्वतंत्र आसनव्यवस्था व पिण्याच्या पाण्याची सोय उपलब्ध करून द्यावी
• पुण्यात आज (22 मे) मनसे अध्यक्ष राज ठाकरे (Raj Thackeray) यांची सभा होणार आहे. पावसाच्या शक्यतेमुळे खुल्या मैदानात सभा घेण्याऐवजी बंद वातावरणात सभा घेण्याचा निर्णय झाला आहे. सभेसाठी गणेश कला क्रीडा मंच (Ganesh Kala Krida Manch) निवडण्यात आला आहे. पुण्याचे मनसे प्रदेशाध्यक्ष साईनाथ बाबर यांनी दिलेल्या माहितीनुसार सभेची तयारी अंतिम टप्प्यात आहे. या सभेला 10 ते 15 हजार लोकं येण्याची शक्यता आहे