मी फिक्स मॅच बघत नाही मला लाईव्ह मॅच बघायला आवडत, देवेंद्र फडणवीसांची उध्दव ठाकरेंच्या मुलाखतीवर पहिली प्रतिक्रीया…
मुंबई प्रतिनिधी
मुख्यमंत्री एकनाथ शिंदेच्या बंडानंतर माजी मुख्यमंत्री उध्दव ठाकरेंनी पहिल्यादाचं शिवसेनेचं (Shiv Sena) मुखपत्र असलेल्या सामना वृत्तपत्राला मुलाखत दिली. ही मुलाखत शिवसेनेचे खासदार संजय राऊत (Sanjay Raut) यांनी घेतली. गेले दोन दिवसांपासून उध्दव ठाकरे या मुलाखतीचे टीझर (Teaser Share) शेअर करत होते. टीझर बघता संपूर्ण राज्यातील जनतेला या विशेष मुलाखतीची (Interview) प्रतिक्षा होती. या मुलाखतीचा पहिला भाग आज प्रसारित झाला आहे. यात शिवसेना पक्षप्रमुख उध्दव ठाकरे यांनी मुख्यमंत्री एकनाथ शिंदे यांच्यावर सडकून टीका केली आहे.
मुलखतीबाबत उपमुख्यमंत्री देवेंद्र फडणवीसांना (Deputy CM Devendra Fadnavis) पत्रकारांनी प्रतिक्रीया विचारली तेव्हा ते म्हणले मी फिक्स मॅच (Fix Match) बघत नाही मला लाईव्ह मॅच (Live Match) बघायला आवडत, असा खोचक टोला फडणवीसांनी उध्दव ठाकरेंना लगावला आहे. तसेच महाविकास आघाडी सरकारकडे बहूमत नसताना उध्दव ठाकरेंच्या मुख्यमंत्री म्हणून राजीनाम्याच्या काही तास आधी ठाकरे सरकारकडून 400 जीआर(GR) काढण्यात आले होते आणि असलेल्या रकमेच्या पाच पट पैसे वाटण्यात आले म्हणुन याचा रिव्हयू आम्ही करत आहोत, असं केलं नाही तर सरकारचा भट्टा बसेन अशी प्रतिक्रीया उपमुख्यमंत्री देवेंद्र फडणवीस यांनी दिली आहे
