पंजाब येथील भटिंडाच्या मिलिट्री स्टेशनवर गोळीबार; 4 ठार, संपूर्ण परिसर सील…
पंजाब प्रतिनिधी
भटिंडा येथील मिलिटरी स्टेशनवर गोळीबार झाल्याची घटना समोर आलीये. या घटनेत 4 जणांचा मृत्यू झालाय. मिलिटरी स्टेशनवर घडलेल्या घटनेपासून क्विक रिअक्शन टीम (क्यूआरटी) सक्रिय आहे. संपूर्ण परिसराची नाकेबंदी करून सील करण्यात आलंय. सध्या सर्च ऑपरेशन सुरू आहे.
भटिंडा मिलिटरी स्टेशन शहराला लागून आहे. हे एक जुनं आणि खूप मोठं मिलिटरी स्टेशन आहे. पूर्वी ते शहरापासून थोडं लांब होतं, परंतु शहराच्या विस्तारामुळं आता मिलिटरी स्टेशन रहिवासी भागाच्या जवळ आलं आहे. या मिलिटरी स्टेशनच्या बाहेर कोणत्याही सामान्य वाहनानं जाता येतं.
नवीन माहितीनुसार, ही घटना अधिकाऱ्यांच्या मेसमध्ये घडली आहे. घटना घडली तेव्हा पहाटेचे 4.35 वाजले होते. त्यामुळं लष्करी अधिकाऱ्यांमधील हा प्रकार असावा, असा अंदाज वर्तवला जात आहे.
