🙏🏻🌹☘️ गुरु ☘️🌹🙏🏻 गुरुचे जीवन तसे असले पाहिजे. ” गुरु” शब्द स्थूल मांसादी देहाचे नाव नाही. गुणाधिकरण व ज्ञानाधिकरण याचे नाव गुरु आहे.

जो लघु नाही तो गुरु. लघु कोन ? स्त्री, वित्त ,कीर्ती ह्यांची हवा ज्याला उडवून लावते तो लघु . तो गुरु नाही . गुरुचे आदर्श दर्शन, श्रेष्ठ दर्शन भगवान शंकराच्या रूपात, ज्ञानाच्या रूपात शास्त्रकारांनी केले आहे, कृष्णं वंदे जगद्गुरुम् / भगवान श्रीकृष्ण जगाचा आदर्श गुरु आहे. भगवान शंकरही आदर्श गुरु आहेत. भगवान शंकर उत्तुंग शिळेवर बसले आहेत . त्यांचे जीवन उच्च आहे. भगवान शंकराची बैठक शुभ्र आहे, स्वच्छ आहे .त्यांच्या मस्तकातून ज्ञानगंगा वाहते .शीलवान चंद्रमा त्यांनी गौरवाने मस्तकावर धारण केलेला आहे .तत्त्वासाठी विभूतीलाच वैभव म्हणण्याची हिंमत त्यांच्या हृदयात आहे. विषारी सापालाही ते निर्वीष बनवून खेळवतात.

खरा गुरु कधी चमत्कार करीत नाही . त्याच्या आजूबाजूला चमत्कार झाले असतील पण तो कधी चमत्कार करीत नाही. चमत्कार होणे ही एक गोष्ट आहे आणि चमत्कार करणे ही वेगळी गोष्ट आहे .भगवान कृष्णाने कधी चमत्कार केले नाहीत. या दृष्टीने भारतीय संस्कृतीत जीवनाधिष्ठित, ज्ञानाधिष्ठित व गुना धिष्ठित गुरुतत्त्व मानण्यात आलेले आहे. क्रमशः (३)