नाफेडतर्फे तुर खरेदीसाठी शेतकऱ्यांची 24 फेब्रुवारीपर्यंत नोंदणी सुरु

 

सांगली, प्रतिनिधी : सांगली जिल्ह्यात पणन हंगाम 2024-2025 मध्ये केंद्र शासनाने निश्चित केलेल्या आधारभुत दरानुसार नाफेडच्या वतीने तुर खरेदी करण्यात येणार आहे. तुर खरेदीकरीता शासनाच्या सुचनेनुसार शेतकऱ्यांची एन.ई.एम.एल पोर्टलवर 24 फेब्रुवारी 2025 पर्यत ऑनलाईन शेतकरी नोंदणी सुरु राहणार आहे, असे जिल्हा पणन अधिकारी संदिप जाधव यांनी प्रसिध्दीपत्रकाव्दारे कळविले आहे.

सांगली जिल्ह्यात विष्णुआण्णा खरेदी विक्री संघ, सांगली (संपर्क श्री. सुर्यकांत शिंदे, मो.नं. 7507777849) या खरेदी केंद्रावर ऑनलाईन नोंदणी प्रक्रिया सुरु आहे. किमान आधारभुत किंमत योजनेनुसार ज्या शेतकऱ्यांना या हमीभाव खरेदी केंद्रावर तुर विक्री करावयाची आ,हे अशा शेतकऱ्यांची ऑनलाईन नोंदणी करणे आवश्यक आहे. नोंदणीसाठी चालु हंगामातील तुर पिकाची पिकपेरा, ऑनलाईन नोंद असलेला अद्ययावत मुळ सातबारा उतारा, बँक खात्याच्या पासबुकची साक्षांकित प्रत (IFSC CODE )सहीत, आधार कार्ड प्रत तसेच शेतकऱ्याचा मोबाईल क्रमांक इत्यादी कागदपत्र आवश्यक आहेत. हंगाम 2024-25 करीता केंद्र शासनाने तुर पिकासाठी 7 हजार 550 रूपये प्रति क्विंटल इतका हमीभाव दर निश्चित केलेला आहे.

ज्या शेतकऱ्यांना हमीभाव योजनेचा लाभ घ्यायचा आहे, अशा शेतकऱ्यांनी मुदतीत नोंदणी करावी, असे आवाहनही श्री.जाधव यांनी केले आहे.000000