ई-चलानद्वारे दंडात्मक रकमेचा भरणा प्रलंबित असलेल्या वाहनमालकांनी-एआय रिकव्हरी असिस्टंस् द्वारे ऑनलाईन पद्धतीने भरणा करावा..

ठाणे, प्रतिनिधी:- प्रादेशिक परिवहन कार्यालय, ठाणे कार्यालयाद्वारे दि.08 मार्च 2025 पासून एआय तंत्रज्ञानाचा वापर करून मोटार वाहन थकीत कर असलेल्या वाहनांच्या मालकांना व वाहन तपासणीमध्ये दोषी आढळून आलेल्या ई-चलानद्वारे दंडात्मक रकमेचा भरणा प्रलंबित असलेल्या वाहन मालकांना एआय रिकव्हरी असिसटंस (AI Recovery Assistance) द्वारे त्यांच्या नोंदणीकृत मोबाईलवर कॉल करून parivartan.gov.in या संकेतस्थळावरून ऑनलाईन पद्धतीने भरणा करण्याबाबत सूचित करण्यात आले आहे.

तसेच याद्वारे वाहनांची कागदपत्रे जसे की, इन्शुरन्स, फिटनेस, पी यु सी, यांची वैधता समाप्त झालेल्या वाहन मालकांना देखील वाहनांची कागदपत्रे वैध करण्याबाबत अवगत केले जात आहे. वाहन मालकांनी कर व दंड भरण्यासाठी आवश्यकता भासल्यास प्रादेशिक परिवहन कार्यालय, ठाणे कार्यालयास संपर्क साधावा, असे आवाहन करण्यात आले आहे.

00000