ठाणे येथील सैनिकी मुलांचे वसतिगृह आणि माजी सैनिक विश्रामगृह कर्मचारी भरती…
ठाणे, प्रतिनिधी:- जिल्हा सैनिक कल्याण कार्यालय, ठाणे यांच्या आधिपत्याखालील धर्मवीरनगर, नौपाडा, ठाणे (पश्चिम) येथील सैनिकी मुलांचे वसतिगृह, ठाणे आणि माजी सैनिक विश्रामगृह, ठाणे या दोन आस्थापनांवर शैक्षणिक वर्ष 2025-26 साठी माजी सैनिक आणि नागरी प्रवर्गातून कर्मचारी भरती करण्यात येणार आहे
वसतिगृहासाठी भरण्यात येणारी पदे :- A) सहाय्यक वसतिगृह अधीक्षक – 01(फक्त माजी सैनिक प्रवर्गातून), B) पहारेकरी (निवासी) – 01, C) स्वयंपाकी – 03, D) सफाई कर्मचारी – 01.विश्रामगृहासाठी भरण्यात येणारी पदे :- A) स्वागत कक्ष सहायक – 01 (फक्त माजी सैनिक प्रवर्गातून), B) पहारेकरी (निवासी) – 01, C) सफाई कर्मचारी – 01, D) माळी – 01.
ह्या नियुक्ती कंत्राटी पद्धतीने अशासकीय संवर्गातून महाराष्ट्र शासन यांचे सैनिक कल्याण विभाग, पुणे द्वारे वेळोवेळी निर्धारीत एकत्रीत मानधनावर असतील. नागरी उमेदवारांनी अर्जासोबत शैक्षणिक प्रमाणपत्र, आधार कार्ड, पॅनकार्ड असल्यास अनुभवाचा दाखला तसेच रहिवाशी पुरावा जोडणे बंधनकारक राहील. माजी सैनिक प्रवर्गातील उमेदवारांना उल्लेखीत कागदपत्रांसह त्यांचे जिल्हा सैनिक कल्याण कार्यालयाद्वारे देण्यात आलेले ओळखपत्र, डिस्चार्ज बुक/सर्व्हिस पर्टीक्युलेर यांची प्रत जोडणे अनिवार्य आहे.
अर्ज मिळणे आणि जमा करण्याचा पत्ता – 1) सैनिकी मुलांचे वसतिगृह ठाणे, धर्मवीरनगर, नौपाडा, ठाणे (प) – 400604 तसेच 2) जिल्हा सैनिक कल्याण कार्यालय, ठाणे, रु.नं. ४०२, कलेक्टर ऑफिस, कोर्ट नाका, ठाणे (प)-४००६०१ (सोमवार ते शुक्रवार फक्त). सेवा नियम, मानधन इत्यादी अधिक माहितीसाठी संपर्क क्रमांक मो. ९७६९६६४८३० (वसतिगृह), 9246624105(अधीक्षक). अर्ज जमा करण्याची शेवटची तारीख 08 जून 2025 असून निवड प्रक्रिया मुलाखती दि. 10 आणि 11 जून 2025 (मंगळवार आणि बुधवार) रोजी सकाळी 11.00 वाजता जिल्हा सैनिक कल्याण कार्यालय, ठाणे येथे घेण्यात येतील. उमेदवारांना त्यांच्या मुलाखतीचा दिवस भ्रमणध्वनी द्वारे कळविण्यात येईल, जिल्हा सैनिक कल्याण अधिकारी ठाणे/पालघर मे. प्रांजळ जाधव (नि.) यांनी कळविले आहे.
000000000
