अनुकंपा प्रतिक्षा यादीतील उमेदवारांना हरकत/आक्षेप अर्ज सादर करण्याचे आवाहन
रायगड ( प्रतिनिधी :- जिल्हाधिकारी कार्यालयाच्या स्तरावर ठेवण्यात येणाऱ्या एकत्रित गट-क संवर्गातील सामायिक अनुकंपा प्रतिक्षा यादीमध्ये समाविष्ट करण्यात आलेल्या उमेदवारांची प्रतिक्षा यादी (विवरणपत्र-अ) व जिल्हाधिकारी कार्यालयाच्या स्तरावरील गट-ड संवर्गाची अनुकंपा प्रतिक्षा सूचीतील नियुक्तीच्या प्रतिक्षेत असलेल्या उमेदवारांची यादी (विवरणपत्र-ब) जिल्हाधिकारी कार्यालयाच्या नोटीस बोर्डवर संबंधित नियुक्ती प्राधिकारी यांच्या कार्यालयात व जिल्हा संकेतस्थळ (www.raigad.gov.in) यावर प्रसिध्द करण्यात आलेली आहे. सदरील यादीतील नाव व क्रमांकाबाबत उमेदवारांची कोणतीही हरकत/आक्षेप असल्यास उमेवारांनी संबंधित नियुक्ती प्राधिकारी यांच्यामार्फत आपले हरकत अर्ज दि.29 ऑगस्ट 2025 पर्यंत सादर करावेत. दि.29 ऑगस्ट नंतर आलेल्या आक्षेपाचा विचार केला जाणार नाही, यादी नोंद घ्यावी, असे प्र.तहसिलदार (महसूल) जिल्हाधिकारी कार्यालय गोविंद वाकडे यांनी कळविले आहे.
००००००
