‘मी मतदान करणार, तुम्हीही मतदान करा’, असे नमुंमपा आयुक्त डॉ.कैलास शिंदे यांचे सेल्फीव्दारे आवाहन
नवी मुंबई प्रतिनिधी- सध्याच्या सोशल मीडियाप्रेमी युगात सेल्फी छायाचित्रे काढून समाज माध्यमांवर अपलोड करण्याची लोकांची आवड लक्षात घेऊन नमुंमपा सार्वत्रिक निवडणूक 2025-26 च्या पार्श्वभूमीवर नवी मुंबई महानगरपालिकेच्या वतीने महानगरपालिका मुख्यालयासह सर्व कार्यालये, निवडणूक निर्णय अधिकारी यांची कार्यालये, विष्णुदास भावे नाट्यगृह, भारतरत्न डॉ.बाबासाहेब आंबेडकर स्मारक तसेच वंडर्स पार्क, सेंट्रल पार्क अशी उद्याने, रूग्णालये, मॉल्स, डी मार्ट सारखी वर्दळीची ठिकाणे येथे मतदानाविषयी जनजागृती करणारे सेल्फी बुथ उभारण्यात आले आहेत. या सेल्फी बूथवर नागरिक उत्साहाने छायाचित्रे काढत असून आपल्या समाज माध्यमांवर अपलोड करून इतरांनाही मतदानाचे आवाहन करीत आहेत.
महापालिका आयुक्त तथा निवडणूक अधिकारी डॉ.कैलास शिंदे यांनीही मतदानाच्या सेल्फी बूथवर छायाचित्र काढून ‘मी मतदान करणार, तुम्हीही मतदान करा’, असे आवाहन नवी मुंबईकर नागरिकांना केले.
0000
