मतदानाचे आवाहन करणा-या मतदान यंत्राच्या मॅस्कॉटला नवी मुंबईकर नागरिकांची पसंती
नवी मुंबई प्रतिनिधी- नवी मुंबई महानगरपालिकेच्या 15 जानेवारी रोजी होणा-या सार्वत्रिक निवडणूकीमध्ये नवी मुंबईतील सर्व मतदारांनी आपला मतदानाचा घटनेने दिलेला अधिकार बजावावा याकरिता व्यापक प्रमाणात जनजागृती करण्यात येत असून यावेळी प्रथमत:च चार सदस्यीय पॅनल पध्दतीने निवडणूक होत असल्याने मतदान कसे करायचे याविषयीही नागरिकांमध्ये माहिती प्रसारित केली जात आहे.
निवडणूक विषयक माहिती प्रसारणाकरिता वेगवेगळया स्वरुपाच्या नाविन्यपूर्ण गोष्टींचा वापर करण्यात येत आहे. यामध्ये मतदान यंत्र अर्थात इव्हीएम मशीनचा मॅस्कॉट तयार करण्यात आला असून हा मॅस्कॉट वर्दळीच्या ठिकाणी नागरिकांना भेटून त्यांना 15 जानेवारी रोजी मतदान करण्याचे आवाहन करीत आहे. या मतदान यंत्राच्या मॅस्कॉटला नागरिकांकडून, त्यातही विशेषत्वाने मुलांकडून चांगला प्रतिसाद मिळत आहे. महानगरपालिकेच्या वतीने मतदानाचा टक्का वाढविण्यासाठी महापालिका आयुक्त डॉ. कैलास शिंदे यांच्या मार्गदर्शनाखाली अशाप्रकारे विविध कल्पक उपक्रमांचे आयोजन करण्यात येत आहे.
00000
