मुलुंड येथील प्रियदर्शिनी इंदिरा गांधी क्रीडा संकुलात अनधिकृतरित्या उभारलेल्या तात्पुरत्या संरचना, बांधकाम, टर्फ निष्कासित करण्याची कारवाई सुरू*
मुंबई प्रतिनिधी-मुलुंड येथील प्रियदर्शिनी इंदिरा गांधी क्रीडा संकुल परिसरात अनधिकृतरित्या उभारलेल्या तात्पुरत्या संरचना आणि बांधकाम, टर्फ यावर बृहन्मुंबई महानगरपालिकेच्या ‘टी’ विभाग कार्यालयाने आज (दिनांक १६ मे २०२६) पासून निष्कासनाची कारवाई सुरू केली आहे.मुंबईच्या महापौर श्रीमती रितू तावडे यांच्या अध्यक्षतेखाली मुलुंड येथील महाकवी कालिदास नाट्यमंदिर येथे काल (दिनांक १५ मे २०२६) बैठक झाली. प्रियदर्शिनी इंदिरा गांधी क्रीडा संकुल तसेच कालिदास नाट्यगृह कामकाजाच्या अनुषंगाने पुनर्रचना आणि सुधार करण्यासंदर्भात या बैठकीत चर्चा झाली. त्यानंतर परिसरात पाहणी करण्यात आली. या बैठकीस आणि पाहणी दौऱ्यात महापौरांसोबत आमदार श्री. मिहिर कोटेचा, माजी खासदार श्री. किरीट सोमय्या, माजी खासदार श्री. मनोज कोटक, प्रभाग समिती अध्यक्ष श्रीमती साक्षी दळवी, नगरसेविका श्रीमती दीपिका घाग, नगरसेविका श्रीमती हेतल गाला – मोरवेकर, नगरसेवक श्री. प्रकाश गंगाधरे यांच्यासह उपआयुक्त (उद्याने) श्री. अजितकुमार आंबी, सहाय्यक आयुक्त श्रीमती समरीन सय्यद आणि इतर संबंधित अधिकारी उपस्थित होते.
.0000
