🔆🕉🔆⚜🚩   🌻 *li.आनंदी°पहाट.il* 🌻    आनंदयात्रींच्या पंढरी वारीच्या सज्जतेची 🚩 आज श्रीक्षेत्र देहू नगरीतून…

     अध्यात्मक वार्ता  *आधी रचिली पंढरी ।*   *मग वैकुंठ नगरी ॥*     *जेव्हा नव्हते चराचर ।*    *तेव्हा होते पंढरपुर ॥*   *महाराष्ट्र पावसाने व्यापलाय. भक्त मन सुखावलेय. घड्याळाचे काटे भरभर पूढे सरकावेत ही भक्तांची इच्छा. ती आता पूर्ण होण्याची वेळ अगदी उद्यावर आलीय. संपूर्ण देशाचे आणि जगाचे आकर्षण असलेल्या एकमेवाव्दितीय अशा पंढरपूर पायी वारीचा प्रारंभ उद्या तीर्थक्षेत्र देहू नगरीतून होतोय.* *जगद्गुरू संत तुकाराम महाराज यांच्या पालखी सोहळा प्रस्थानाची जय्यत तयारी सुरू आहे. हजारो वारकरींच्या उपस्थितीने देहूनगरी गजबजली आहे. भगव्या पताकांनी अवघा आसमंत उजळून निघालाय.*

        *भारतीय संस्कृतीच्या संपन्न सांस्कृतिक.. धार्मिक.. एकात्मतेच्या शांततामय सुखी जीवनाचे रहस्य सांगणारी ही वारी. परमेश्वरावरील अचल.. अढळ निष्ठेचे.. विश्वासाचे द्योतक असलेली ही पंढरपूरची आषाढ वारी.*

        *ही वारीची परंपरा तेराव्या शतकाच्या आधीपासूनची आहे. जेव्हा रस्तेही चांगले नव्हते.. प्रसंगी जंगलातून वाट काढत जावे लागायचे.. रस्त्याने पाणीही मिळेल की नाही याची शाश्वती नव्हती तरीही चुंबकी तत्वाप्रमाणे भक्त पंढरपूरकडे आकर्षित व्हायचे. शेकडो कि.मी. पायी चालत यायचे. तसेच आजही येत आहेत.*

        *या वारीत भक्ताना भौतिक जगताच्या कलहापासून चिंतामुक्त होता येते. संत सत्संग लाभतो. मग अखंड नामस्मरणात रमण्याचा आनंद उर्जास्रोत ठरतो. षड्रिपूवर विजय प्राप्त करणे केवळ आणि केवळ या वारीतच शक्य होते. जीवनात अमुलाग्र बदल होत जीवन आनंदी होण्याचा हा मार्ग आहे. इथे जातपात.. भेदाभेद नाही. श्रीमंत गरीब हा भेद तर मुळीच नाही. सारेच आदर करत एकमेकांना माऊली संबोधत पाया पडणारे.*

        *श्रद्धा आणि विश्वास हेच या पंढरीच्या विठ्ठल भक्तीचे चलन. श्री विठ्ठल म्हणजे व्दापार युगातील श्रीकृष्णाचा अवतार. देवाने हा अवतार जाणीवपुर्वक घेतला. कारण पूढे कलियुग प्रारंभ होणार होते. तेव्हा या कलियुगाचे समाजात काय दुष्परीणाम होणार हे ज्ञात होते. कुटुंब व्यवस्था सुरळीत चालावी.. जीवन श्रद्धामय व्हावे.. समाजात आईवडिलांचा सन्मान व्हावा यासाठी भक्त पुंडलिक हा आदर्श देवाने जगासमोर ठेवला.*

        *पुंडलीकाने प्रत्यक्ष देव समोर उभा ठाकला तरीही वृद्ध आईवडीलांच्या सेवेत अडथळा नको म्हणून त्याला.. श्रीकृष्णाला विटेवर उभे करून ताटकळत ठेवले. पुंडलिक हा कृष्ण भक्त होता. त्यामुळेच त्याच्या विनंतीने श्रीकृष्णानं विठ्ठल रुपात भक्त उद्धारासाठी पंढरपूरला कायम वास्तव्य केलेय.*

        *हा आदर्श समाजात दृढ व्हावा म्हणून आमच्या संतमंडळीनी पंढरपूर वारीचा मार्ग दाखविला. संताच्या सोबत वारीत लाखो भक्तही सामील होवू लागले.*

        *पंढरपूर म्हणजे तीर्थांचे माहेर.. सुखाचे भांडार. वारंवार मनुष्य जन्म मिळत नाही. तेव्हा पंढरीच्या विठुरायाच्या नामस्मरणाचा आनंद लुटा.. जीवन सुखी.. समाधानी आनंदी करा, असे तुकोबा म्हणतात.*

🌹⚜️🚩🔆🙏🔆🚩⚜️🌹 *चला पंढरीसी जाऊं ।  *रखमादेवीवरा पाहूं ॥१॥* *डोळे निवतील कान ।  *मना तेथें समाधान ॥२॥  *संता महंता होतील भेटी ।*  *आनंदे नाचों वाळवंटी ॥३॥* *तें तीर्थांचे माहेर ।* *सर्व सुखाचें भांडार ॥४॥*  *जन्म नाही रे आणीक ।*  *तुका म्हणे माझी भाक ॥५॥*🌺🥀🚩🌸🛕🌸🚩🥀🌺

*रचना : संत तुकाराम* ✍ *संगीत : अण्णा जोशी*  *स्वर : मन्ना डे*🎼🎶🎼🎶🎼 🎧

*‼️जय जय रामकृष्ण हरी‼️**🌹🙏सुमंगल प्रभात🙏🌹*🌻🥀🌸🌿🌺🌿🌸🥀🌻