*नवी मुंबई महानगरपालिका नागरिकांसाठी महत्वाचे आवाहन*
नवी मुंबई प्रतिनिधी- *सद्यस्थितीत वादळी वाऱ्यांसह मुसळधार पाऊस पडत असल्याने महापौर श्रीम.सुजाता पाटील व आयुक्त डॉ.कैलास शिंदे यांच्या वतीने नागरिकांना आवाहन करण्यात येत आहे की,* *नागरिकांनी कृपया अत्यावश्यक कामाशिवाय घराबाहेर पडू नये.* *वादळी वा-यामुळे झाडे पडण्याचे प्रमाण वाढले असल्याचे दिसून येत आहे. त्या अनुषंगाने सर्व नवी मुंबईकर नागरिकांना विनंती आहे की, झाडाखाली उभे राहू नये व आपल्या गाड्याही झाडाखाली पार्क करू नयेत.* *ज्या इमारती नवी मुंबई महानगरपालिकेने धोकादायक जाहीर केलेल्या आहेत वा धोकादायक स्थितीत आहेत त्या तत्परतेने रिकाम्या कराव्यात व संभाव्य दुर्घटना टाळाव्यात.* *जोरदार पावसाची शक्यता लक्षात घेऊन उद्या सोमवार, दि. 6 जुलै रोजी विद्यार्थ्यांची सुरक्षितता लक्षात घेऊन सर्व शाळांना सुट्टी जाहीर करण्यात आलेली आहे.*
*नवी मुंबई महानगरपालिका मदतकार्यासाठी तत्परतेने कार्यरत असून अडचणीच्या प्रसंगी नजिकच्या विभाग कार्यालयाशी अथवा नवी मुंबई महानगरपालिका मुख्यालयातील आपत्ती व्यवस्थापन नियंत्रण कक्षाशी खालील क्रमांकांवर संपर्क साधावा.*
*दूरध्वनी : ०२२-२७५६७०६० / ६१* *टोल फ्री हेल्पलाईन क्रमांक : १८००२२२३०९ / १८००२२२३१०***********
