माथेरानमधील अनधिकृत बांधकामांची चौकशी करण्यासाठी उच्चस्तरीय समिती!
मुंबई प्रतिनिधी
मुख्यमंत्री @Dev_Fadnavis यांच्या सूचनेनुसार शासनाच्या महसूल विभागाने माथेरान येथील भाडेपट्ट्याने प्रदान केलेल्या जमिनींवरील अनधिकृत बांधकामे व भाडेपट्टा अटींच्या उल्लंघनाची चौकशी करण्यासाठी कोकण विभागीय आयुक्त यांच्या अध्यक्षतेखाली उच्चस्तरीय चौकशी समिती स्थापन करण्याचा निर्णय घेतला आहे.
ही समिती भाडेपट्टा अटींचे उल्लंघन, जमिनींचा अनधिकृत वापर व हस्तांतरण, निवासी भूखंडांचा व्यावसायिक वापर तसेच पर्यावरणीय नियमांचे उल्लंघन करून झालेल्या बांधकामांची सखोल चौकशी करून तीन महिन्यांत शासनाला अहवाल सादर करणार आहे. या अहवालाच्या आधारे संबंधित प्रकरणांमध्ये आवश्यक ती पुढील कार्यवाही करण्यात येणार आहे.
