माजी सचिव सिताराम कुंटे ED कार्यालयात दाखल, खंडणी प्रकरण भोवणार?
मुंबई प्रतिनिधी राज्याचे माजी सचिव सिताराम कुंटे हे सक्तवसुली संचलनालयाच्या(ED) कार्यालयात दाखल झाले आहेत. माजी गृहमंत्री अनिल देशमुख यांच्या 100 कोटींच्या खंडणी प्रकरणात ईडीला त्यांची चौकशी करायची होती. यासंदर्भात कुंटे यांना ईडीकडून समन्स बजावण्यात आले होते.
अनिल देशमुख हे गृहमंत्री असताना सीताराम कुंटे गृह विभागात अतिरिक्त मुख्य सचिव या पदावर कार्यरत होते. त्यामुळे त्यांच्या चौकशीतून काही महत्वाची माहिती मिळवण्याची शक्यता ईडी पडताळून पाहात आहे. (sitaram kunte)ED कडून कुंटे यांना कार्यालयात हजर राहण्यास सांगितलं होतं. त्यानुसार कुंटे ईडी चौकशीला हजर राहिले आहेत. या पूर्वी कुंटे यांना तीन समन्स बजावून बोलवण्यात आले होते. मात्र, त्यावेळी प्रशासकीय कामं आणि मंत्रिमंडळाची बैठक व दौरे यामुळे कुंटे यांनी ईडीकडे वेळ मागून घेतला होता. अखेर ते ईडीच्या कार्यालयात दाखल झाले आहेत.
