झारखंडमध्ये भाजपाचं ‘ऑपरेशन लोटस’ यशस्वी होणार?; सोरेन सरकार आज विश्वासदर्शक ठराव मांडणार
झारखंड प्रतिनिधी
विश्वासदर्शक ठरावाच्या पार्श्वभूमीवर भाजपा गटाकडूनही मोठ्या प्रमाणात हलचाली सुरू झाल्या आहेत. भाजपच्या सर्व आमदारांना विशेष अधिवेशनात सक्तीने सहभागी होण्याचे निर्देशही देण्यात आले आहेत.
झारखंडमध्ये सध्या राजकीय घडामोडींना प्रचंड वेग आला आहे. झारखंडमध्ये सुरू असलेल्या राजकीय गोंधळाच्या पार्श्वभूमीवर मुख्यमंत्री हेमंत सोरेन (Hemant Soren) यांनी आज (सोमवारी) विधानसभेचे विशेष अधिवेशन बोलवलं आहे. अधिवेशनाच्या पहिल्याच दिवशी सोरेन सरकार विधानसभेत विश्वासदर्शक ठराव मांडणार आहेत.
या पार्श्वभूमीवरच काल सत्ताधारी यूपीएच्या सर्व आमदारांची झारखंडमध्ये बैठक घेण्यात आली, त्या बैठकीनंतरच आजच्या विश्वास ठरावविषयी चर्चा झाल्याचे सांगण्यात येत आहे. त्यामुळे झारखंडमध्ये भाजपाचं ऑपरेशन लोटस यशस्वी होणार का याकडे सगळ्यांच लक्ष लागलं आहे.
