राहुल गांधी यांनी स्वतः 113 वेळा तोडले सुरक्षेचे नियम’; काँग्रेसने गृहमंत्र्यांना लिहिलेल्या पत्राला CRPF चे उत्तर…
नवी दिल्ली प्रतिनिधी
भारत जोडो यात्रा याच्यादरम्यान काँग्रेस पक्षाचे नेते केसी वेणुगोपाल यांनी केंद्रीय गृहमंत्री अमित शहा यांना पत्र लिहून सुरक्षेतील त्रुटींची तक्रार केली होती. आता याबाबत केंद्रीय राखीव सुरक्षा दलाचे उत्तर आले आहे.
भारत जोडो यात्रेत (Bharat Jodo Yatra) राहुल गांधींच्या (Rahul Gandhi) सुरक्षेत कुचराई झाल्याचा मुद्दा काँग्रेसने उपस्थित केला आहे. एक दिवसापूर्वी पक्षाचे नेते केसी वेणुगोपाल यांनी केंद्रीय गृहमंत्री अमित शहा (Amit Shah) यांना पत्र लिहून सुरक्षेतील त्रुटींची तक्रार केली होती. आता याबाबत केंद्रीय राखीव सुरक्षा दलाचे (CRPF) उत्तर आले आहे. राहुल गांधींच्या सुरक्षेबाबत जारी करण्यात आलेल्या मार्गदर्शक तत्त्वांची खुद्द राहुल गांधींनीच भंग केली असल्याचे सीआरपीएफने म्हटले आहे. या नियमांच्या उल्लंघनाची माहिती राहुलला वेळोवेळी देण्यात आली आहे.
2020 पासून राहुल गांधींनी 113 वेळा सुरक्षा नियमांचे उल्लंघन केल्याचे सीआरपीएफने म्हटले आहे. याबाबत त्यांना प्रत्येक वेळी माहिती देण्यात आली. भारत जोडो यात्रेच्या दिल्ली टप्प्यातही, त्याच्यासोबत आलेल्या लोकांनी सुरक्षा नियमांचे उल्लंघन केले आहे. यामुळे CRPF ला स्वतंत्रपणे समस्येचा सामना करावा लागला.
सीआरपीएफने आपल्या उत्तरात म्हटले आहे की, जारी केलेल्या मार्गदर्शक तत्त्वांनुसार राहुल गांधींच्या सुरक्षेच्या सर्व उपाययोजना करण्यात आल्या आहेत. केंद्रीय राखीव पोलिस दलाने सांगितले की जेव्हा संरक्षित व्यक्ती देखील मार्गदर्शक तत्त्वांचे पालन करते तेव्हाच सुरक्षा कार्यासाठी व्यवस्था योग्य प्रकारे केली जाते. मात्र, स्वतः राहुल गांधी कधी-कधी सुरक्षेचा घेरा तोडून लोकांना भेटून आपली सुरक्षा धोक्यात घालतात.
सूत्रांनी दिलेल्या माहितीनुसार, भारत जोडो यात्रेत राहुल गांधी यांच्यासाठी संपूर्ण सुरक्षा व्यवस्था करण्यात आल्याचे सीआरपीएफकडून सांगण्यात आले आहे. संरक्षित व्यक्तीच्या भेटीच्या वेळी मार्गदर्शक तत्त्वांनुसार CRPF द्वारे राज्य पोलिस/सुरक्षा एजन्सींच्या समन्वयाने आवश्यक सुरक्षा व्यवस्था केली जाते. राज्य सरकारांना सुरक्षेबाबत सल्ला आणि सर्व माहिती गृह मंत्रालयाने राहुल गांधी यांच्यासह काँग्रेसलाही दिली होती
