The Kerala Story: द केरळा स्टोरी चित्रपटाच्या क्रू मेंबरला धमकी, मुंबई पोलिसांनी दिली सुरक्षा…
मुंबई प्रतिनिधी
चित्रपटाच्या क्रू मेंबरला एका अनोळखी नंबरवरून धमकीचा मेसेज आला होता. चित्रपटाचे दिग्दर्शक सुदीप्तो सेन यांनी पोलिसांना ही माहिती दिली
द केरळा स्टोरी’ (The Kerala Story) या चित्रपटावरून सुरू असलेला वाद थांबण्याचं नाव घेत नाही. आता या चित्रपटाच्या क्रू मेंबरला धमकीचा मेसेज आल्याचं वृत्त समोर आलं आहे. मुंबई पोलिसांनी (Mumbai Police) दिलेल्या माहितीनुसार ‘द केरळा स्टोरी’ चित्रपटाच्या क्रू मेंबरला एका अनोळखी नंबरवरून धमकीचा मेसेज आला होता. चित्रपटाचे दिग्दर्शक सुदीप्तो सेन (Sudipto Sen) यांनी पोलिसांना माहिती दिली की क्रू मेंबर्सपैकी एकाला अनोळखी नंबरवरून मेसेज आला होता. “मेसेजमध्ये त्या व्यक्तीला घरातून एकटं बाहेर न पडण्याची धमकी देण्यात आली आहे. या धमकी नंतर पोलिसांनी क्रू मेंबरला सुरक्षा पुरवली आहे,
या आधी तमिळनाडूमध्ये या चित्रपटावर बंदी घालण्यात आली होती, त्यानंतर पश्चिम बंगालमध्येही मुख्यमंत्री ममता बॅनर्जी यांनीही हा चित्रपट थिएटर्समधून हटवण्याचे आदेश दिलेत.
