भारतात मोठ्या हल्ल्याच्या तयारी असणाऱ्या जैश-ए-मोहम्मदच्या दहशतवाद्याला अटक…

 

नवी दिल्ली प्रतिनिधी

सुरक्षा यंत्रणांनी मोठ्या तत्परतेने दहशतवादाचा मोठा कट उधळून लावला आहे. रविवारी (21 मे) एनआयएने जैश-ए-मोहम्मदच्या एका दहशतवाद्याला अटक केली

सुरक्षा यंत्रणांनी मोठ्या तत्परतेने दहशतवादाचा मोठा कट उधळून लावला आहे. रविवारी (21 मे) एनआयएने जैश-ए-मोहम्मदच्या एका दहशतवाद्याला अटक केली. मोहम्मद उबैद मलिक असे अटक करण्यात आलेल्या दहशतवाद्याचे नाव असून तो कुपवाडा येथील रहिवासी आहे. उबेद पाकिस्तानमध्ये बसलेल्या जैशच्या कमांडरच्या सतत संपर्कात होता. दहशतवादी उबेद जम्मू-काश्मीरमध्ये मोठा दहशतवादी कट राबवण्याचा प्रयत्न करत होता. अटक करण्यात आलेला दहशतवादी पाकिस्तानात बसलेल्या आपल्या कमांडरला लष्कर आणि सुरक्षा दलांच्या हालचालींशी संबंधित माहिती पाठवत होता. एनआयएच्या तपासात असे समोर आले आहे की आरोपी दहशतवादी गुप्त माहिती, विशेषत: सैन्य आणि सुरक्षा दलांच्या हालचालींची माहिती पाकिस्तानमध्ये बसलेल्या जैश कमांडरला देत होता. एनआयएने आरोपींकडून जम्मू-काश्मीरमध्ये दहशतवादी कारवायांना प्रोत्साहन देण्यासंदर्भातील अनेक आक्षेपार्ह कागदपत्रेही जप्त केली आहेत