मुख्यमंत्र्यांच्या हस्ते ज्येष्ठ संपादक कैलास म्हापदी, पत्रकार संजय पितळे,विनोद जगदाळे, डॉ.दिलीप सपाटे, जयेश सामंत, विभव विरवटकर सन्मानित…

ठाणे, प्रतिनिधी-

महाराष्ट्र राज्य शासनाच्या “स्व.शंकरराव चव्हाण सुवर्ण महोत्सवी पत्रकार कल्याण निधी” समितीवर ठाणे जिल्ह्यातील जेष्ठ संपादक श्री.कैलास म्हापदी यांची तसेच राज्य व विभागीय अधिस्वीकृती समितीवर पत्रकार श्री. संजय पितळे, विनोद जगदाळे, डॉ.दिलीप सपाटे, जयेश सामंत आणि विभव विरवटकर यांची नुकतीच नियुक्ती करण्यात आली आहे.

 

ठाणे महानगरपालिका व ठाणे दैनिक पत्रकार संघ यांच्या संयुक्त विद्यमाने काल दि.20 ऑगस्ट 2023 रोजी संपन्न झालेल्या “राष्ट्रीय छायाचित्र प्रदर्शन व पारितोषिक वितरण” सोहळ्याप्रसंगी मुख्यमंत्री एकनाथ शिंदे यांच्या हस्ते या सर्वांचा विशेष सन्मान करण्यात आला.

 

या सोहळ्यास आमदार प्रताप सरनाईक, ठाणे महानगरपालिका आयुक्त अभिजीत बांगर, अतिरिक्त आयुक्त संदीप माळवी, माजी महापौर नरेश म्हस्के, ठाणे दैनिक पत्रकार संघाचे अध्यक्ष आनंद कांबळे, सचिव निलेश पानमंद, खजिनदार विभव विरवटकर, मनोज सिंग व सहकारी पदाधिकारी, पारितोषिक विजेते छायाचित्रकार तसेच नागरिक उपस्थित होते.

 

000000000000