चेंबूरचे टिळकनगर अदानी विद्युत बिल केंद्र असुविधाग्रस्त , ग्राहक हैराण
सुरेश गायकवाड प्रतिनिधी
मुंबई प्रतिनिधी : मुंबई- चेंबूरचे टिळकनगर अदानी विद्युत बिल केंद्र असुविधाग्रस्त असल्याने विद्युत बिल भरण्यासाठी ग्राहकांना तास – नतास उभे राहावे लागते आहे . अशा विद्युत बिलासाठी ग्राहकांना हैराण करून सोडले जात असल्याचे त्यांनी सांगितले .
अशा अदानी विद्युत बिल केंद्रावर विद्युत बिल भरण्यासाठी वयोवृद्ध महिला , पुरुष , लहान मुले येत असतात. मात्र , तेथे उपलब्ध असणाऱ्या विद्युत केंद्रातील बहुतांश वेळा मशिनस बंद असतात. त्यामुळे ग्राहकांना तासनतास रांगेत ताटकळत उभे राहावे लागते . अशा वेळेस कुणा ग्राहकांना भोवळ येऊन काही अनुचित घटना घडल्यास त्यावेळी अदानी विद्युत विभागाला जाग येणार का? असा सवाल ग्राहक विचारणा करता आहेत.
ह्या अदानी विद्युत बिल केंद्रावर एकच महिला वा पुरुष कर्मचारी काम करीत असतो. अशावेळेस विदयुत बिल भरणासाठी ग्राहकांच्या लांबचलांब रांगा लागलेल्या असतात . परंतु त्या ग्राहकांच्या सुविधांविषयी कसलाही विचार केला जात नसल्याचे दिसून येते आहे .
ह्या अदानी विदयुत बिल केंद्रावर विद्युत भरण्यासाठी आलेल्या ग्राहकांना काही सूचना वा तक्रारी करावयाची असल्यास तेथील सिक्युरिटि गार्डला विचारले असता आपणांस कसलीच माहिती नसल्याचे त्यांनी सांगितले .
एवढेच नव्हे तर अदानी विद्युत केंद्राच्या विद्युत बिल सुविधाविषयी संबंधित अधिकारी कोण आहे याविषयी विचारणा केली असता अदानीने हे विद्युत बिलं केंद्र खाजगी ठेकेतरांना दिले असल्याचे सांगितले . त्यामुळे अदानी विद्युत विभागाचा आणि आमचा कसलाही संबंध नसल्याचे तेथील अधिकाऱ्याने सांगितले .
एकंदरीत अदानी विद्युत बिल केंद्रावर विद्युत बिल भरण्यासाठी येणाऱ्या ग्राहकांना चांगल्यात चांगल्या सुविधा मिळाव्यात यासाठी अदानी विद्युत विभागाने पुढाकार घ्यावा अशी अपेक्षा ग्राहक करता आहेंत . त्यांच्या या अपेक्षाची दखल अदानी विद्युत विभागाने न घेतल्यास ग्राहक तक्रार मंच आणि या विभागाच्या संबंधित अधिकाऱ्यांनी घेऊन ठोस कारवाई करावी असे ग्राहकांचे म्हणणे आहे .
