बृहन्मुंबई महानगरपालिकेच्या सन २०२६-२०२७ या वर्षासाठी १७ प्रभाग समित्यांपैकी ‘पी दक्षिण’, ‘के पश्चिम’, ‘के उत्तर आणि के दक्षिण’, ‘एच पूर्व व एच पश्चिम’, ‘जी उत्तर’ आणि ‘जी दक्षिण’ या ६ प्रभाग समित्यांच्या अध्यक्षपदांची निवडणूक आज पार पडली. या सर्व सहा ठिकाणची निवडणूक प्रक्रिया बिनविरोध पार पडली.
मुंबई प्रतिनिधी-
बृहन्मुंबई महानगरपालिकेच्या सन २०२६-२०२७ या वर्षासाठी १७ प्रभाग समित्यांपैकी ‘पी दक्षिण’, ‘के पश्चिम’, ‘के उत्तर आणि के दक्षिण’, ‘एच पूर्व व एच पश्चिम’, ‘जी उत्तर’ आणि ‘जी दक्षिण’ या ६ प्रभाग समित्यांच्या अध्यक्षपदांची निवडणूक आज पार पडली. या सर्व सहा ठिकाणची निवडणूक प्रक्रिया बिनविरोध पार पडली.
🔹‘पी दक्षिण’ प्रभाग समिती अध्यक्षपदासाठी झालेल्या निवडणुकीत भारतीय जनता पक्षाच्या श्रीमती श्रीकला रामचंद्रन पिल्ले यांचा एकमेव अर्ज प्राप्त झाल्याने त्यांची बिनविरोध निवड झाली.
🔹‘के पश्चिम’ प्रभाग समिती अध्यक्षपदासाठी झालेल्या निवडणुकीत भारतीय जनता पक्षाचे श्री. रोहन शशिन्द्र राठोड यांचा एकमेव अर्ज प्राप्त झाल्याने त्यांची बिनविरोध निवड झाली.
🔹तसेच ‘के उत्तर आणि के दक्षिण’ प्रभाग समिती अध्यक्षपदासाठी झालेल्या निवडणुकीत भारतीय जनता पक्षाचे श्री. प्रकाश दौलत मुसळे यांचा एकमेव उमेदवारी अर्ज प्राप्त झाल्याने त्यांची बिनविरोध निवड झाली.
🔹यासह ‘एच पूर्व व एच पश्चिम’ प्रभाग समिती अध्यक्षपदासाठी झालेल्या निवडणुकीत शिवसेना उद्धव बाळासाहेब ठाकरे पक्षाच्या श्रीमती रोहिणी कांबळे यांचा एकमेव अर्ज आल्याने त्यांची बिनविरोध निवड झाली.
🔹जी उत्तर प्रभाग समिती अध्यक्षपदासाठी झालेल्या निवडणुकीत महाराष्ट्र नवनिर्माण सेनेचे श्री. यशवंत किल्लेदार यांची बिनविरोध निवड झाली. या प्रभाग समिती अध्यक्षपदासाठी शिवसेना उद्धव बाळासाहेब ठाकरे पक्षाचे श्री. जोसेफ कोळी आणि महाराष्ट्र नवनिर्माण सेनेचे श्री. यशवंत किल्लेदार या दोन उमेदवारांनी अर्ज दाखल केले होते. अध्यक्ष पद निवडणूक प्रसंगी, अर्ज मागे घेण्याच्या विहित वेळेत श्री. जोसेफ कोळी यांनी अर्ज मागे घेतला. त्यामुळे श्री. यशवंत किल्लेदार यांची प्रभाग समिती अध्यक्षपदी बिनविरोध निवड झाली.
🔹तसेच ‘जी दक्षिण’ प्रभाग समिती अध्यक्षपदासाठी आज झालेल्या निवडणुकीत शिवसेना उद्धव बाळासाहेब ठाकरे पक्षाच्या श्रीमती पद्मजा चेंबूरकर यांचा एकमेव अर्ज आल्याने त्यांची बिनविरोध निवड झाली.
🔹‘पी दक्षिण’, ‘के पश्चिम’, ‘के उत्तर आणि के दक्षिण’ या तीन प्रभाग समिती अध्यक्षपदासाठी झालेल्या निवडणुकीत पीठासीन अधिकारी म्हणून महापौर श्रीमती रितू तावडे यांनी कामकाज सांभाळले.
🔹तर ‘एच पूर्व व एच पश्चिम’, ‘जी उत्तर’ आणि ‘जी दक्षिण’ या तीन प्रभाग समितीच्या अध्यक्षपदासाठी झालेल्या निवडणुकीत पीठासीन अधिकारी म्हणून उप महापौर श्री. संजय घाडी यांनी कामकाज पाहिले
