धारावी विभागातील महिलांना भेटवस्तू देण्याचा आरोप शिवसेना महायुतीचे उमेदवार राजेश खंदारे यांच्या विरोधात काँग्रेस पक्षाची तक्रार दाखल
मुंबई प्रतिनिधी
उमेदवार भेटवस्तू देऊन ही आमिष दाखवत असल्याचा आरोप धारावी विधानसभा क्षेत्राचे शिवसेनेचे उमेदवार राजेश खंदारे यांच्यावर करण्यात आलेला आहे याबाबत काँग्रेस पार्टीने निवडणूक अधिकाऱ्याकडे तक्रार दाखल केली असून कारवाईची मागणी केली आहे
धारावी विधानसभा क्षेत्रामध्ये शिवसेना भाजपा राष्ट्रवादी अजित पवार गट यांचे उमेदवार राजेश खंदारे यांच्याकडून मतदारांना भेट वस्तूंचे वाटप केले जात आहे. शुक्रवारी रात्रीही असाच प्रकार उघडीस आला असून उमेदवार राजेश खंदारे यांचे भाऊ प्रदिप खंदारे यांच्या मालकीच्या हॉलमध्ये वार्ड क्रमांक १८६ च्या शिंदे शिवसेनेच्या शाखा प्रमुख सुनिता कैलास सोनटक्के यांच्या उपस्थितीत महिलांना भेट वस्तूंचे वाटप करण्यात आले. हा आदर्श आचारसंहितेचा भंग असून याबाबतची रितसर तक्रार काँग्रेस पक्षाने निवडणूक अधिकाऱ्यांकडे केली असून शिवसेना उमेदवार राजेश खंदारे यांच्यावर तात्काळ कारवाई करावी, अशी मागणी खासदार वर्षा गायकवाड यांनी केली आहे.
