बाळासाहेब ठाकरे जयंतीनिमित्त धारावीत भव्य रक्तदान शिबिर यशस्वीपणे संपन्न..
मुंबई प्रतिनिधी:हिंदुहृदयसम्राट, शिवसेनाप्रमुख बाळासाहेब ठाकरे यांच्या जयंतीनिमित्त धारावी विधानसभेच्या वतीने भव्य रक्तदान शिबिराचे आयोजन करण्यात आले. “करूया रक्तदान, वाचूया प्राण” या घोषवाक्याखाली झालेल्या या शिबिरात 1000 रक्ताच्या बाटल्या संकलित करण्याचा निर्धार खासदार अनिल देसाई यांनी व्यक्त केला होता.
बाळासाहेब ठाकरे यांच्या विचारांना श्रद्धांजली समर्पित,बाळासाहेब ठाकरे यांनी मराठी माणसाच्या हक्कांसाठी आयुष्यभर संघर्ष केला. त्यांच्या स्मृतीप्रित्यर्थ हा विधायक उपक्रम राबवण्यात आला. मुंबई, मुंबईकर आणि बाळासाहेब ठाकरे यांच्या विचारांना श्रद्धांजली अर्पण करण्याच्या उद्देशाने या शिबिराचे आयोजन करण्यात आले.
उत्स्फूर्त प्रतिसाद आणि नियोजनबद्ध आयोजन,या शिबिरासाठी विभाग प्रमुख/ आमदार माननीय श्री महेश सावंत आणि धारावी विधानसभा संघटक श्री विठ्ठल पवार यांच्या नेतृत्वाखाली विशेष तयारी करण्यात आली होती. स्थानिक शिवसैनिक, युवक, नागरिक आणि विविध सामाजिक संस्थांनी या उपक्रमात मोठ्या प्रमाणात सहभाग घेतला.
शिबिराच्या यशस्वी आयोजनासाठी नगरसेवक वसंत नकाशे, मरियम्मल तेवर, तसेच शाखाप्रमुख किरण काळे, सतीश कटके, आनंद भोसले, बाबासाहेब सोनवणे, मुत्तू पटन तेवर, भास्कर पिल्लई, सुरेश जाधव, महादेव शिंदे, जोसेफ कोळी, प्रकाश आचरेकर, सुरेश सावंत आणि युवा सेनेचे सनी शिंदे, गणेश चौगुले, रवी रेणूसे,विलास बागडे, संतोष पोटे, बाळा घाडीगावकर, मनी कंडन, दीपक पाटील, अमित सावंत, प्रदीप पाटील ,अश्रफ भाई ,कार्तिक तेवर ,बालराज दमारगिड्डा, अशोक कुंचीकोर्वे, श्रीधर घोगीकर, अमोल साळवी यांनी विशेष परिश्रम घेतले. यावेळी माजी आमदार बबुराव माने यांचीही उपस्थिती होती.
शिवसेनेचा सामाजिक उपक्रम – रक्तदानाचे महत्त्व,रक्तदान हे श्रेष्ठ दान मानले जाते, कारण अपघात, गंभीर आजार आणि शस्त्रक्रियांसाठी रक्ताची नितांत गरज भासते. गरजू रुग्णांना मदतीचा हात देण्यासाठी शिवसेनेच्या वतीने या शिबिराचे आयोजन करण्यात आले होते.
नागरिकांचा भरभरून सहभाग
या उपक्रमाला धारावीतील नागरिकांनी उत्स्फूर्त प्रतिसाद दिला. “रक्तदान करून आपण कोणाच्यातरी जीवन वाचवू शकतो,” या भावनेतून अनेक युवकांनी पुढाकार घेतला.
या उपक्रमामुळे धारावीतील गरजू रुग्णांना मोठा आधार मिळणार असून, भविष्यातही अशा प्रकारच्या समाजोपयोगी उपक्रमांचे आयोजन करण्यात येईल, असे आयोजकांकडून सांगण्यात आले.
