परिवहन विभागामार्फत देण्यात येणाऱ्या सेवांचा नागरिकांनी लाभ घ्यावा..

रायगड प्रतिनिधी:- राज्यातील नागरिकांना राज्य शासनातर्फे देण्यात येणाऱ्या सेवा पारदर्शक व कालबध्द पध्दतीने देण्याकरिता महाराष्ट्र लोकसेवा हक्क अधिनियम 2015 पारित करण्यात आला असून हा अधिनियम दि.28 एप्रिल 2015 पासून अंमलात आला आहे. परिवहन विभागामार्फत देण्यात येणाऱ्या सेवांपैकी एकूण 115 सेवा सदर अधिनियम अंतर्गत येणाऱ्या या सेवांचा जास्तीत जास्त नागरिकांनी लाभ घ्यावा, असे आवाहन सहा.प्रादेशिक परिवहन अधिकारी पनवेल निलेश धोटे यांनी केले आहे.

सर्व सेवा परिवहन विभागाच्या https://parivahan.gov.in/ या संकेत स्थळावर उपलब्ध करून देण्यात येईल. तसेच परिवहन विभागामार्फत दिल्या येणाऱ्या सेवांपैकी एकूण 89 सेवा फेसलेस पध्दतीने सुरू करण्यात आल्या असून, सदर सेवांसाठी नागरिकांना कार्यालयात येण्याची आवश्यकता नसून, परिवहन विभागाच्या https://parivahan.gov.in/ या वेबसाईटवर नागरीक आपला अर्ज दाखल करून परिवहन विभागासंबंधीत कामकाज करून घेवू शकतात.

000000